वाशिङ्टन । अमेरिकी राष्ट्रपतिका उम्मेदवार जो बाइडेनले आफ्नो प्रशासनको उच्च प्राथमिकतामा भारत रहने बताएका छन् ।
उनले आफ्नो चुनावी अभियानका क्रममा बोल्दै आफ्नो प्रशासनको उच्च प्राथमिकतामा अमेरिका-भारत सम्बन्ध रहेको बताएका छन् । उनले दक्षिण एसियामा सीमापार आतंकवाद सह्य नहुनेसमेत बताएका छन् ।
बाइडेनले आफ्नो प्रशासनको नीति कस्तो हुने भन्ने प्रतिवेदन सार्वजनिक गरेका छन् । उक्त प्रतिवेदन अनुसार नीतिमा आधारित इन्डो-प्यासिफिक क्षेत्रको स्थायीत्वका लागि भारतसँग मिलेर काम गर्ने उल्लेख छ ।
पछिल्लो समय इन्डो-प्यासिफिक क्षेत्रका लागि चीन निकै चुनौती बनेको छ । बाइडेनले अमेरिका र भारत ‘नेचुरल पार्टनर’ भएको बताएका छन् ।
“भारत-अमेरिकाको सहयोग बिना कुनै पनि विश्वव्यापी समस्या समाधान हुनसक्दैन,” बाइडेनले भने ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
