पाकिस्तानी प्रधानमन्त्रीलाई अमृतसरका सांसदको पत्र – शिख किशोरीमाथिको दुर्व्यवहार बन्द गरियोस्

कालोसूचीबाट जोगिन ८८ आतंकवादीमाथि प्रतिबन्ध
कालोसूचीबाट जोगिन ८८ आतंकवादीमाथि प्रतिबन्ध

एजेन्सी : अमृतसर सहरका एक सांसदले पाकिस्तानका प्रधानमन्त्री इमरान खानलाई पत्र लेख्दै पाकिस्तानको पञ्‍जाब प्रान्तमा शिख किशोरीहरुमा माथि भइरहेको दुर्व्यवहार र उत्पीडन रोक्‍न आग्रह गरेका छन् ।

कांग्रेसका सांसद गुरजीत सिंह औजलाले गुरुद्वारा श्री ननकाना साहिबको हेड ग्रन्थीकी छोरी जगजीत कौरको अपहरणको मुद्दालाई उल्लेख गर्दै उनले यसो बताएका हुन् । जगजीत कौरलाई बलपूर्वक इस्लाम धर्म मान्‍न लगाएर एक मुस्लिम केटासँग विवाह गरिदिएको थियो । बलात्कार र गैरकानुनी तरिकाबाट उनको विवाह गराएको छ भने उनको नाम अहिले आइशा राखिएको छ ।

“अहिलेको विवादले मलाई भित्रबाट कम्पन गराएको छ र मेरो व्यक्तिगत क्षमतामा चिन्तित हुनुका साथै पवित्र सहर अमृतसरको प्रतिनिधित्व गर्दै र शिख धर्मको साँचो विश्वास भएको कारण म शिख समुदायको असहाय किशोरीमाथि भएको दुर्व्यवहारको भत्सर्ना गर्दछु,” इमरान खानलाई लेखेको पत्रमा उल्लेख छ ।

उनले थपे, “प्रधानमन्त्रीज्यू, शिख समुदाय साँचो योद्धाहरू र कडा परिश्रम गर्ने मजदुरहरू हुन् भनेर प्रायः सबै देशहरुमा संसारभरि चिनिएका छन् । शिखमाथि भइरहेको दुर्व्यवारको विषयले तपाईंको सरकारको कामप्रति ठूलो आक्रोश उत्पन्‍न भएको छ । मलाई थाहा छ कि तपाईंको कार्यालयको हस्तक्षेप गरिरहेको छ । तर, तपाईं कार्यपालिका प्रमुख हुनुहुन्छ । त्यसकारण यस्तो समस्या तत्काल समाधान गर्नुका साथै शिख किशोरीमाथिको दुर्व्यवहार बन्द गरियोस् ।”

औजलाले भने कि यदि इमरान खान यस मुद्दालाई सम्बोधन गर्न असफल भए भने उनले त्यो मुद्दा प्रधानमन्त्री नरेद्र मोदीमार्फत समाधान गर्न लगाउने बताएका छन् ।

“म सबैभन्दा पहिले तपाईलाई यस समस्यालाई अत्यन्त शान्तिमय, निष्पक्ष, न्यायसंगत समाधान गर्न अनुरोध गर्दछु वा यो कुरा म प्रधानमन्त्री र अन्तर्राष्ट्रिय तह / फोरममा चाँडै न्याय दिलाउन सुनिश्चित गर्न सकिने पनि बताउन चाहन्छु । उनले यस्तो लेखेका थिए कि कुनै पनि हिंसा, उत्पीडन र जबरजस्ती कुनै पनि हालतमा सहन सकिन्‍न ।”

पाकिस्तानमा लामो समयदेखि शिख समुदायले ठूलो उत्पिडनको सामना गर्नुपरेको छ ।