भाद्र महिनको मासिक रासिफल

भाद्र महिनाको रासिफल

मेष – ARIES  बुद्धि–विवेकले काम लिनेहरूका लागि महिना फलदायी रहनेछ। केही चुनौती देखिए पनि सम्भावनाका बाटाहरू फेला पर्नेछन्। कृषि, पशुपालन र व्यापारमा सामान्य लाभ हुनेछ। उत्तरार्धमा केही नयाँ अवसर प्राप्त हुनेछन्। स्रोत–साधन जुट्नाले नयाँ कामतर्फ आकर्षित भइनेछ। सहयोगीहरूले साथ दिनेछन्। तर महत्त्वाकांक्षी सोचले घर–परिवार र साझेदारीमा असमझदारी निम्त्याउन सक्छ। अरूको उक्साहटमा लाग्नाले निकटजनसँग दूरी बढ्नेछ। छाती, फोक्सो तथा मुटुको समस्या हुनेहरूले स्वास्थ्यमा सावधान रहनुहोला।  अर्थोपार्जनको बलियो स्रोत प्राप्त हुनाले केही समस्या सुल्झाउन सकिनेछ।

वृष – TAURUS  भाद्र महिनामा आफन्त र साथीभाइबाट सहयोग तथा हौसला प्राप्त हुनेछ । खर्च बढेपनि आम्दानी भन्दा बढी खर्च हुनेछैन । तार्किक क्षमता एवं बोलीको प्रभावले स्वरोजगार भइनेछ । प्रेमिकाको सुझावअनुरूप नयाँ कार्य सम्पन्न गर्न सकिनेछ । महिनाको अन्त्यमा जिद्दीपनाले गर्दा काम बिग्रने डर छ । ताके अनुरूप काम नबन्नाले दिक्क लाग्नसक्छ । अनाबस्यक झुटा आरोप लाग्ने हुँदा सजक रहनुहोला ।अधिक परिश्रमले थकान र कमजोरी भने निम्त्याउन सक्छ। सामान्य उपलब्धिका लागि अधिक खर्च हुनेछ। साझेदारीमा पुरानो विवादले निकास पाउनेछ। नयाँ कामका लागि नयाँ सहकर्मी फेला पर्नेछन्।

मिथुन – GEMINI भाद्र महिनामा नयाँ ज्ञान सिक्ने मौका मिल्नेछ । । लगनशीलताले कामहरू अगाडी बढ्नेछन । वैदेशिक तथा राजनैतिक क्षेत्रबाट सफलता मिल्नेछ । धार्मिक, सांस्कृतिक, दान पुण्यजस्ता कार्यमा सहभागी भइनेछ । अध्ययनमा रुचि जाग्नुका साथै उल्लेख्य प्रगति हुनेछ । वाणिज्य क्षेत्रबाट विशेष लाभ रहनेछ घर ,जग्गा खरिद तथा बिक्रिको योग छ । महिनाको अन्त्यतिर घरेलु विवाद उत्कर्षमा पुग्नेछ। घरेलु समस्यामा घरभित्रै समाधान खोज्नु श्रेयष्कर हुनेछ।

कर्कट – CANCER भाद्र महिनामा अध्ययन नगरी काम थाल्नाले दुःख पाइनेछ। अधिक परिश्रमले थकान र कमजोरी निम्त्याउन सक्छ। अज्ञानता र बलजफ्तीले काम दोहोर्याउनुपर्ने स्थिति आउन सक्छ। स्रोत सबल देखिए पनि फाइदा लिन पनि धेरैपटक प्रयत्न गर्नुपर्ला। समयमा सजग नबन्दा सहयोगीहरू अलमलिने छन्। अरूको भरपर्दा लाभांश गुम्न सक्छ। सद्विचारले अभिप्रेरित हुनेहरूलाई भने भाग्यले साथ दिनेछ। समय लागे पनि रोकिएका काम दोहोर्याउँदा सम्पादन हुनेछन् र उठ्नुपर्ने रकम हातलागी हुनेछ।

सिंह – LEO यो महिना केही संघर्षमय रहने देखिन्छ। राजनीतिक तथा सामाजिक प्रभाव कमजोर रहनेछ। व्यवसायमा मन्दी आउनाले निर्वाहमूलक काम गर्न बाध्य भइनेछ। अप्ठ्यारो पर्दा आफन्तको साथ नपाइएला। अर्थ अभावले यात्रा रोकिन सक्छ। स्वास्थ्य कमजोर रहनेछ र सञ्चित रकम खर्च हुनेछ। शुभचिन्तकहरू टाढा हुनेछन् भने भ्रष्ट व्यक्तिहरू नजिकिनेछन्। चोटपटकको योग भएकाले हातहतियारको उपयोग सावधानीसाथ गर्नुहोला। नयाँ व्यवसायतर्फ तत्काल लगानी गर्दा सुरक्षित नहुन सक्छ।१५ गतेबाट लामो समयदेखि रोकिएका अधुरा कामहरु पुरा हुनेछन् । शुभ कार्यको चर्चा चल्नेछ । ठीक समयमा सही निर्णय लिन सकिनेछ

कन्या – VIRGO अध्ययनका लागि समग्रमा यो महिना सकारात्मक महिना रहेको छ । भाग्यले साथ दिनेछ भने काममा सफलता हात पर्नेछ । शुभकार्यको चर्चा चल्ने छ र शुभकार्यको योग पनि छ । ठुला व्यक्तिले तपाइको मेहनतको प्रसंसा गर्नेछन् । विद्या, बुद्धि र सन्तान सुख मिल्नेछ । कला, गला र सांस्कृतिक क्षेत्रको समेत प्रभाव बढ्दै जानेछ । शत्रुबाधा हट्नेछ भने मौसमी रोग निवारण हुनेछ। रोकिएका काम बन्नेछन् र आर्थिक समस्या सुल्झनेछ।

तुला – LIBRA  अरूको विचार र प्रवृत्तिमा सहमत बन्न नसक्दा विद्रोही भावना जागृत हुनेछ। अभिव्यक्तिको लय कठोर बन्नाले शुभचिन्तकहरू टाढिन सक्छन्। आर्थिक क्रियाकलापमा मन्दी आउनेछ। परिस्थितिवश महत्त्वाकांक्षा त्यागी निर्वाहमूलक व्यवसाय गर्न बाध्य भइनेछ। दोहोर्याएर गरेको काम भने सम्पादन हुनेछ। व्यापार–व्यवसाय सामान्य रूपमा चल्नेछ। मिहिनेत गर्दा अध्ययनमा प्रगति गर्ने मौका छ। सामाजिक क्षेत्रमा आफ्नो प्रभाव कमजोर बन्नेछ। घर–परिवारमा असमझदारी बढ्न सक्छ। यात्रामा मालसामान हराउन सक्छ । नजिकका व्यक्तिबाट कार्यमा बाधा आउला ।

वृश्चिक – SCORPIO  केही अवरोध देखिए पनि क्रमशः अवसर र भोगाधिकार प्राप्त हुनेछ। विशिष्ट व्यक्तिहरू कर्मयोगका प्रेरक बन्नेछन्। मिहिनेत गर्दा यो महिना विशेष फलदायी रहनेछ। परिस्थिति प्रतिकूल देखिए पनि कर्मयोगले उचाइमा पुर्याउनेछ। नोकरीमा प्रवेश वा पदोन्नति हुन सक्छ। व्यापार तथा उद्योगतर्फ लगानी बढाउने समय छ। कृषि उपज र पशुधनबाट पनि राम्रै फाइदा हुनेछ। भूमि, वाहन र पैत्रिक सम्पत्तिको उपयोग गरी थप फाइदा उठाउन सकिनेछ। आधा महिना पछि प्रेम सम्बन्धमा मधुरता मिल्नेछ । धर्म,कर्ममा रुची बढ्ने र शुभकार्यको चर्चा चल्नेछ ।

धनु – SAGITTARIUS विशिष्ट व्यक्तिबाट पुरस्कार तथा हौसला प्राप्त हुनेछ । परिस्थिति सकारात्मक रहेको छ । लामो समयदेखि रोकिएको कामको गाँठो फुक्नेछ । मेहनत गर्दा जीवनशैलीमा परिवर्तन आउन सक्छ । समाजसेवातर्फ आकर्षित भइनेछ । वाहान लाभ हुने समय आएको छ, अध्ययनमा भने धेरै समय जुट्न नसकिएला। समाजमा तारिफयोग्य काम गर्दै दाम, इनाम र प्रतिष्ठा कमाउने मौका छ। सरोकार नभएका विषयमा चासो लिँदा वादविवादमा परिएला। प्रयत्न गर्दा कीर्तिमानी कामको यश लिने अवसर भने प्राप्त हुनेछ।नोकरी तथा राजनीतिमा पनि अवसर खोज्ने समय छ।