दडियाल : पाकिस्तान सरकारको तर्फबाट नै पाकिस्तान प्रशासित काश्मीरमा लोडसेडिङ गराएको मानवअधिकार उल्लंघनका चरम घटनाहरु गराएको भन्दै बृहत प्रदर्शन गरिएको छ । पाकिस्तानको कब्जा रहेको कश्मीर (पीओके) को दडियाल सहरमा विशाल विरोध जुलुस निकालिएको हो ।
इस्लामावादले नियमित विद्युत कटौती, उच्च शुल्क, भ्रष्टाचार र प्रहरी क्रूरता र मानवअधिकारको चरम उल्लंघन गरेको आरोपमा सदा-ई-हक (भ्वाइस अफ राइट्स) पार्टीको आह्वानमा हजारौं आन्दोलनकारीहरु उक्त विरोध जुलुसमा उपस्थित भएका थिए ।
उनीहरूले पाकिस्तान जल तथा विद्युत विकास प्राधिकरण (वापडा), सरकारी स्वामित्वमा रहेको सार्वजनिक उपभोक्ता व्यवस्थापन केन्द्रले पाकिस्तान शासित काश्मीरमा विद्युत र पानीमा कटौती गर्दै आएको छ ।
पहारीमा उक्त आन्दोलनलाई सम्बोधन गर्दै सदा ई हक (भ्वाइस अफ राइट्स) पार्टीका अध्यक्ष इफ्तिखार सादिकीले भने, “उनीहरू (अधिकारीहरू) विगत ७० वर्षदेख भ्रष्टाचार गरिरहेका छन् र हामीलाई लुटिरहेका छन् । पाकिस्तानले मनोनित गरेका यहाँका अधिकारीहरुले हामीलाई र हाम्रो क्षेत्रलाई शोषण गरेका छन् ।”
आन्दोलनकारीहरुले इफ्तिखार सादिकीको पक्षमा नारा लगाए र उनलाई पीओकेका भ्रष्ट पाकिस्तानी अधिकारीविरुद्ध लड्न अगाडि बढ्न आग्रह गरेका छन् ।
आन्दोलनकारीहरूले भने कि पीओकेका स्रोतबाट उत्पादित बिजुली पाकिस्तानलाई दिइएङ्को छ । काश्मीर प्रान्तमा विद्युत कटौती गरिएको छ ।
अगस्ट २१ मा पीओकेमा एक लोकप्रिय सार्वजनिक स्थानबाट पाकिस्तानको झण्डा हटाएपछि पत्रकार र कार्यकर्ता तन्वीर अहमदलाई पक्राउ गरेर यातना दिएको घटनाप्रति निन्दा गरिएको छ ।
