कपिलबस्तु : उद्योग बाणिज्य संघ कपिलबस्तुले कोरोना भाइरबाट बच्न पुन जिल्लामा मास्क वितरणसंगै सचेतनामुलक कार्यक्रम थालेको छ ।
जिल्लामा समुदाय स्तरमा कोरोना फैलिएसंगै जारी भएको दोस्रो पटकको लकडाउनका विच मास्क वितरण संगै सचेतनामुलक काम अगाडी बढाएको हो । अत्यावश्यक बस्तु किनमेल गर्ने वजारमा मास्क अनिवार्य गर्न र भौतिक दुरी कायम गर्न उद्योग बाणिज्यसंघ कपिलवस्तुले विशेष पहल थालेको उद्योग बाणिज्य संघका अध्यक्ष उमानाथ पौडेलले बताउनुभयो । संघले बाणगंगाको पिपरा देखि बनाईगाई सम्म ९ स्थान ,जितपुर, गजेहडा, सिउटी ओदारी, जहदी, तौलिहवा देखि सुठौली भन्सार नाका सम्म पुगी त्यहाका व्यापारी तथा स्थानीयहरुलाई मास्क वितरण संगै सचेतनामुलक कार्यक्रम संचालन गरिएको उहाले बताउनुभयो ।
उद्योग बाणिज्य संघले विगतमा पनि ब्यापारी, बस्तु तथा सेवा खरिद कर्ता, सुरक्षाकर्मी लगायत सर्बसाधारणलाई मास्क वितरणसंगै अन्य सचेतनामुलक कार्यक्रम, विपन्न वर्गालाई राहत वितरण जस्ता कार्यक्रमहरु गर्दै आइएरहेको छ ।
