सिरहा : कोरोना भाइरस (कोभिड १९) रोकथाम तथा नियन्त्रणको नाममा सिरहाको औरही गाउँपालिकाले व्यापक अनियमतता गरेको देखिएको छ ।
गाउँपालिकाले जिल्ला प्रशासन कार्यालयलाई बुझाएको कोरोना भाइरस नियन्त्रण खर्च अनुसार २ करोड २० लाख ८० हजार ९ सय २९ रुपैया गरेको छ । सो खर्च हिसाबमा सामाग्री संख्या नदेखाई एकमुष्टै रकम देखाइएको छ ।
गाउँपालिकाका जनप्रतिनिधि समेतले कोरोनामा काम गरे वापत लाखौ रुपैया भत्ता लिएको छ । स्थानीय तह सेवा संचालन सम्बन्धी ऐन अनुसार कार्यपालिका बैठक बाहेक जनताको सेवा गरेवापत जनप्रतिनिधिले कुनै प्रकारको भत्ता लिन पाउनेछैन । तर सो पालिकाका मेयर सिद्धार्थ यादवले भ्रष्टाचारलाई खुल्ला चुनौती करीब १२ लाख रुपैया भत्ताको नाममा झ्वाम पारेका छन ।
पदाधिकारीलाई किन भत्ता दिइयो प्रसंगमा लोकपुकार सँग उपप्रमुख सीता कुमारीले कार्यपालिका बोर्ड बैठकको निर्णयबाट गरिएको वितरण गरिएको तर कसलाई दिइयो किन दिइयो भन्ने कुरा कार्यपालिका प्रमुखसँग नै सोध्नुस । तर प्रमुख यादवसँग सम्पर्क गर्न खोज्दा वेभसाइटमा दिइएको मोबाइल नम्बर गलत रहेको सम्पर्क हुन सकेन ।
निमित प्रमुख प्रशासकीय अधिकृत लक्ष्मण साहसँग जिज्ञासा राख्दा उनले भने पदाधिकारीको भत्ता रकम कर्मचारी होइन जनप्रतिनिधिका लागि खर्च गरिएको हो । ११ लाख ९६ हजार ६ सय रुपैया एकमुष्टै चेकमार्फत प्रमख सिद्धार्थ यादवको खातामा जम्मा गरिएको छ । त्यो रकम के कति कसलाई वितरण गरिएको हो भन्ने कुरा प्रमुखजीलाई थाहा होला ।
पालिकाले सार्वजनिक गरेको खर्च हिसाब रकम जिल्ला प्रशासन कार्यालयमा बुझाइएको छ । पदाधिकारी भत्ता खर्च हिसाब बारे प्रमुख जिल्ला अधिकारी प्रदीपराज कणेलले कुनै चासो देखाएको छैन । खुल्ला रुपमै भ्रष्टाचा गरिएको प्रति स्थानीयवासी आक्रोशित छन, तीन दिनअघि पालिका कार्यालय अगाडि प्रदर्शन समेत गरेका थिए ।
यति मात्र होइन पालिकाले कोरोना भाइरस रोकथाम खर्चमा एक मुष्टै २८ लाख २४ हजार ३ सय ८७ खर्च देखाएको छ तर के कुन सामाग्री खरीद गरिएको उल्लेख नगरी अनियमिता लुकाउन खोजिएको आरोप स्थानीयको रहेको छ । खर्च हिसाब अनुसार मुश्किलले साढे ५ हजार घर परिवारका लागि ५३ लाख ६९ हजार १ सय ९५ रुपैया खर्च गरिएको छ ।
बजार मूल्यको हिसाबले सो रकममा १५ हजारभन्दा बढी झूल किन्न सकिन्छ । तर पालिकाले कति झुलको किनेको भन्ने कुरा लुकाई रकम अनियमता गरिएको आरोप लगाइएको छ । के कति किनिएको हो भन्ने बारे पालिका अधिकृत र उपप्रमुखलाई पनि थाहा छैन । लोकपुकार सँग कुरा गर्दै उनीहरुले भने कार्यपालिकाबाट निर्णय गरी सामाग्री किनिएको हो संख्या त प्रमुख र स्टोरलाई नै थाहा होला ।
स्टोर रामपृत यादवसँग सोधपुछ गर्दा उनले भने साढे ६ हजारको दरले सामान्य र सुपानेट गरी १३ हजार किनिएको हो, किन त्यति किनिएको हो भन्ने कुरा सम्बन्धि प्रमुखलाई नै सोध्नुस । lokpukar
