ईज्जत प्रतिष्ठाको लागि पैसा तिरेर छोरीको हत्या

रौतहट : इज्जत, प्रतिष्ठा र समाजमा अपहेलित हुनुपर्ने भएकाले आफन्तबाटै रौतहटमा गत कार्तिक २६ गते गोलि प्रहार गरीे एक किशोरीको हत्या गरेको रहस्य खुलेको छ । विवाह गरेको भन्दा अरुनै केटोसँग प्रोम गरेकाले गाउँ घरमा आफन्तको इज्जत द्धट्ने भएकाले बाबु आमा र भिनाजुकै योजनामा १७ बर्षिया अमृता कुमारीको गोली हानेर हत्या गराइएको रौतहट प्रहरीले आज पत्रिकार सम्मेलन गरी सार्बजनिक गरेको हो ।
जिल्ला प्रहरी कार्यालय गौरमा आईतवार आयोजित पत्रकार सम्मेलन मार्फत उक्त घटनाका दोषीहरु सार्वजनिक गर्दै एसपी सिद्धीविक्रम शाहले मृतक अमृताको सोही स्थानका ३० बर्षिय सोसिन्द्र प्रसाद भगतसंग विगत ३ बर्ष देखि प्रेम सम्बन्ध रहेको भएपनि परिवारको दवावमा २०७६ साल फागुन महिनामा सर्लाही जिल्ला विष्णुपुर गाउँपालिका ३ मानकी साहको छोरा रुपेश साह संग मागि विवाह भएको थियो ।
अमृता अरुनै केटोसँग प्रेमसम्वन्ध रहेको थाहापाएपनि उनको गत असारमा सम्वन्ध विछेद भएको थियो । अमृताले प्रेमी संग मिलेर श्रीमान माथि छुरा प्रहार गराएर गरेको आरोप लागेको थियो । सम्वन्ध विछेदपछि अमृता माइति बस्दै आएका थिए ।
बुवा आमा तथा घरका अन्य सदस्यालाई स्वीकार्य नरहेको प्रहरीको अनुसन्धानबाट खुलेको एसपी शाहले पत्रकार सम्मेलनमा जानकारी गराए ।
घरपरीवारले योजना अनुरुप परोहा नगरपालिका ४ का छोटेलाल साहलाई १ लाख ५० हजार रुपैयामा भारतमा उपचारको बहानामा लगेर हत्या गर्ने तय गरियो । भारत विहारमा विधान सभाको निर्वाचनको कारण त्यहाँ योजना सफल हुनु अगावै अमृता भागेर पुन माईती घर आएको एसपी शाहले बताए ।
पहिलो योजना विफल भएपछि पुन ः रामअयोध्या र ज्वाई लक्ष्मणले अर्को योजना बनाए । देवाही गोनाही नगरपालिका २ करुनियाका कैमुल देवान, शेख अलियास, बहुदल भन्ने इस्लाम अन्सारी, शेख इम्ताजलाई १ लाख रुपैयामा हत्या गर्ने योजना अनुसार कार्तिक २६ गते राति अमृताको हत्या गराइएको पक्राउ परेका अभियुक्तहरुले बयान दिएको एसपि शाहले बताए ।
प्रहरी नियन्त्रणमा रहेका अमृताको वुवा रामअयोध्या, आमा सीतादेवी साह, शेख अलियास, इसलाम अन्सारी, शेख इम्ताज, छोटेलाल सहित ६ जनालाई जिल्ला अदलात रौतहटबाट ज्यान सम्बन्धी कसुरमा आईतवार सात दिनको म्याद थप थप गरिएको बताए ।