गोलबजार नगर विकासको लागि कुनै कसर बाँकी नराख्नेः नवनियुक्त मंत्री श्रेष्ठ

60

संजय यादव, १० कार्तिक
गोलबजार, सिरहा

नेपाल सरकारको नवनियुक्त महिला, बालाबलिका तथा जेष्ठ नागरिक मंत्री लिलानाथ श्रेष्ठले नेकपा नेतृत्वको ओली सरकार कै पालामा जेष्ठ नागरिकहरुले मासिक ५ हजार भत्ता पाउने बताएका छन् । मंत्री श्रेष्ठले बर्तमान सरकारले नै आगामी बर्षदेखि मासिक ५ हजार जेष्ठ नागरिक भत्ता पुरयाउनमा पूर्ण सहयोग गर्ने प्रतिबद्धता जनाए ।

सिरहाको गोलबजार नगरपालिका वार्ड नं ७ स्थित १५ सैथ्याको सुबिधा सम्पन्न अस्पताल तथा असहाय बृद्ध सेवा सदनको सिलान्यास गर्दै मंत्री श्रेष्ठले यस्तो बताए । सिलान्यास गर्दै मंत्री श्रेष्ठले भने, हरेक स्थानिय तहको प्रत्येक वार्डमा स्वास्थ्य चौकी र एक पालिका एक सुबिधा सम्पन्न अस्पताल बन्ने प्राबधान अनुसार नै यस किसिमको अस्पतालको सिलान्यास भएको बताए । मंत्री श्रेष्ठले भने, म पनि गोलबजार नगरपालिकाकै स्थायी बासी भएकोले गोलबजार नगर विकासको लागि कुनै कसर बाँकी नराख्ने र अन्य मंत्रालयहरुसंग समन्वय गरेर विकासको कामलाई तीब्रता दिलाउने प्रतिबद्धता पनि जाहेर गरे । अहिलेको अवस्थामा खासगरी किशोर किशोरीहरु नै लागु औषधको कुलतमा परी ठुल्लै जत्था कुलतमा फसिदै गईरहेकोले यस्ता कार्यलाई रोक्ने पनि बताए ।

गोलबजार नगरपालिका(७ निवासी पाँच दाजुभाई केदार श्रेष्ठ, हिरालाल श्रेष्ठ, मोतिलाल श्रेष्ठ, जवाहरलाल श्रेष्ठ र डा. बिष्णु प्रसाद श्रेष्ठले अस्पताल निमार्णको लागि १५ कठा १० धुर र असहाय बृद्ध सेवा सदनको लागि ७ कठा १० धुर गरी १ बिग्हा ३ कठा जग्गा निशुल्क दानगरी उदाहरणीय काम गरेको गोलबजार नगरपालिका वार्ड नं ७ को कार्यालयले जनाएको छ ।
चलनचल्ती मूल्य अनुसार ९ करोड रुपैया बराबर मूल्यको निःशुल्क दान गरेको जनाए । कार्यक्रम गोलबजार नगर कार्यपालिकाको आयोजनामा सम्पन्न भयो । कार्यक्रमको अध्यक्षता गोलबजार नगर प्रमुख देवनाथ साहले गर्नु भएको थियो ।