काठमाडौं- नेपाली कांग्रेसका नेता शेखर कोइरालाले राष्ट्रपति र उपराष्ट्रपतिको निर्वाचनलाई हेरेर आफूहरूले प्रधानमन्त्री पुष्पकमल दाहाल ‘प्रचण्ड’ लाई विश्वासको मत दिएको बताएका छन्।
बिहीबार विराटनगरमा पत्रकारहरूसँग कुरा गर्दै उनले राष्ट्रपति र उपराष्ट्रपतिको निर्वाचन अझै बाँकी रहेको र त्यही हेरेर प्रचण्डलाई विश्वासको मत दिएको बताएका हुन्।
‘अरू निर्वाचनहरू बाँकी छ। म सभामुख उपसभामुखको कुरा गरिरहेको छैन। ती निर्वाचनमा हामीहरू उम्मेदवार दिन्छौं,’ कोइरालाले भने,‘राष्ट्रपति र उपराष्ट्रपतिको निर्वाचनमा प्रदेसका सांसदले पनि भोट हाल्नुहुन्छ। यो सबैलाई विचार गरेर हामीले विश्वासको मत दिएका हौं।’
माओवादीले कांग्रेसका उम्मेदवारलाई साथ दिने ग्यारेन्टी नभए पनि आशा भने गर्न पाउने उनको भनाइ थियो।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
