काठमाडौं। नेपाल प्रिमियर लिग (एनपीएल)को दोस्रो सिजन अन्तर्गतको बिहीबार भएको दोस्रो खेलमा पोखरा एभेन्जर्सले जनकपुर बोल्ट्सलाई २५ रनले पराजित गरेको छ। त्रिवि क्रिकेट मैदानमा भएको खेलमा जनकपुरलाई पराजित गर्दै पोखराले पहिलो जित हासिल गरेको हो।
पोखराले दिएको १५६ रनको लक्ष्य पछ्याएको जनकपुरले निर्धारित २० ओभरमा ९ विकेट गुमाएर १३० रन बनायो। जनकपुरका वायन पर्नेलले अर्धसतक बनाए। उनले ३८ बलमा ४ छक्का र २ चौका प्रहार गर्दै ५० रन बनाएर रिटायर्ड आउट भए। पोखराका बिपिन खत्रीले ४ विकेट लिए भने सुमित वर्माले २ विकेट लिए।
यसअघि टस जितेर पहिला ब्याटिङ गरेको पोखराले सुमित वर्माको अर्धसतकको मद्दतमा निर्धारित २० ओभरमा ६ विकेट गुमाएर १५५ रन बनाएको थियो। सुमितले २९ बलमा ४ छक्का र २ चौकाको मद्दतमा ५० रन बनाए। यस्तै दिनेश खरेलले ३८ तथा तृतराज दासले २९ रन बनाए। जनकपुरका सञ्जय कृष्णमृर्तीले ३ विकेट लिए।
जारी एनपीएलमा पोखराले तीन खेल खेल्दा पहिलो जित हासिल गरेको छ। साविकको विजेता जनकपुर भने जनकपुर भने तीन खेल खेल्दा पनि जितविहिन रहेको छ।
