काठमाडौं। नेपाल प्रहरीका पूर्वएआइजी विश्वराज पोखरेल राष्ट्रिय स्वतन्त्र पार्टीमा प्रवेश गरेका छन्।
शुक्रबार एक कार्यक्रमको आयोजना गरी कार्यवाहक सभापति डिपी अर्यालसहित रास्वपाको नेताहरूले उनलाई रास्वपामा स्वागत गरेका हुन्।
पार्टी प्रवेशको क्रममा उनले स्वतन्त्र पार्टी परिवर्तनको लागि इमान्दार व्यक्तिहरु जोडिएको भएको भन्दै यही पार्टीबाट मात्र नेपालको विकास र समृद्धिको बाटो अगाडि बढ्ने बताए। उनले रास्वाबाट मात्रै व्याप्त भ्रष्टाचार र कुशासनको अन्त्य हुन सक्छ भन्ने ठम्याईको कारण आफू जोडिएको धारणा राखे।
उनले भने,‘स्वतन्त्र पार्टी परिवर्तनको लागि इमान्दार व्यक्तिहरु जोडिएको पार्टी हो। यो पार्टीबाट मात्र नेपालको विकास र समृद्धिको पार्टी अगाडि जान सक्छ। व्याप्त भ्रष्टाचार र कुशासनको अन्त्य हुन सक्छ। यो ठम्याईको कारण म यो पार्टीमा प्रवेश गरेको हुँ।
त्यस्तै उनले सभापति रवि लामिछानेको आँट, क्षमता र उनीप्रतिको जनताको विश्वास हेर्दा नेपालको इतिहासमा राष्ट्रिय स्वतन्त्र पार्टीबाट मात्रै मुलुकको सम्पूर्ण परिस्थितिको परिवर्तन सम्भव हुन्छ भन्ने विश्वास आफूलाई लागेको उनको भनाई छ।
उनले भने,‘यो पार्टीका सभापति रवि लामिछानेको आँट, क्षमता र उहाँप्रति जनताको विश्वास हेर्दा साच्चै नै नेपालको इतिहासमा राष्ट्रिय स्वतन्त्र पार्टीबाट मात्रै यो मुलुकको सम्पूर्ण परिस्थितिको परिवर्तन हुन सक्छ। जुन अप्ठ्यारो अवस्थामा हामी छौं। पूराना पार्टीले जनताको विश्वास गुमाएको अवस्था छ। यो अवस्थामा रास्वपाले मात्रै जनताको विश्वास जित्छ भनेर प्रवेश गरेको हुँ। मैले धेरै कुरा बुझेर यो पार्टीमा के राम्रो कुरा छन् ,यो पार्टीबाट देशमा के योगदान पुर्याउन सकिन्छ भनेर बुझेर नै यो पार्टीमा आवद्ध भएको हुँ।’
