संजय यादव, गोलबजार, सिरहा
पुस १ गते, बुधबार
सिरहाको गोलबजार नगरपालिकाका प्रमुख प्रशासकीय अधिकृत श्रीधर केसीले सदियौ देखि चल्दै आएको असारे विकास प्रबृतीलाई अन्त्य गरी गोलबजार नगरलाई कृषि र शिक्षाको हवकै रुपमा विकास गराउने बताएका छन् । प्रमुख प्रशासकीय अधिकृत केसीले असारे विकास आजको समस्या मात्र हैन, पहिला देखि नै चल्दै आएकोले नागरिकको सरकारसंग पनि गुनासाहरु बढेको स्वीकारदै नागरिकको अपेक्षा अनुसार काम गर्दै जानु र जनताको माँगलाई सम्बोधन गर्नसके जनताको विश्वास जितन सक्ने बताए । रेडियो आकाशगंगा एफएम गोलबजारका पत्रकार संजय यादवले लिएको अन्तरवार्तामा प्रमुख प्रशासकीय अधिकृत केसीले भने, आर्थिक बर्ष नै फेरिनु पर्ने र बैषाख देखि काम शुरु गर्ने र चैत्रमा सकिने खालको अभ्यास भए असारे विकासलाई रोक्न सकिने बताए । यसको लागि सरकारले पोलिसि नै ल्याएर अगाडी बढनुपर्ने आवश्यकता रहेको बताए । अधिकृत केसीले अन्तरवार्ता दिदै भने, दुई बर्ष भित्र नगरका समपूर्ण शहरी क्षेत्रमा कालोपत्रे र आरसिसि ढलान, ढल निकास, रिंगरोडको अबधारणालाई टुंग्याउने, अव्यवस्थित फोहर ब्यवस्थापन डम्पिंग साइटको विकास गराउने बताए । दुई बर्ष भित्रै भोलीका दिनहरुमा सहजरुपले प्रशासनीक कामकाज अगाडी बढाउन सुबिधा समपन्न प्रशासनीक भवन सम्पन्न गराउने ,सुबिधा सम्पन्न हस्पिटल र ट्रमा सेन्टरको विकास गरिसक्ने समेत अधिकृत केसीले बताए ।
अधिकृत केसीले नगर भित्रका सम्पूर्ण खेती योग्य जमिनमा सिचाईको प्रबन्ध मिलाउने र सुबिधा सम्पन्न हाटबजारको ब्यबस्थापन गरी स्मार्ट गोलबजार बनाउने योजना रहेको बताए । तर कर्मचारीले गरेर मात्र हुदैन, सबैको साथ र सहयोगको खाँचो रहेकोले सबैलाई खुलेर साथ र सहयोग दिन अपिल गरे । अधिकृत केसीले भने, प्रदेश नं २ कै नमूनाकै रुपमा बनेको कर्भडहलको पनि अधिकतम सदुपयोग गर्न आम नगरवासीमा अनुरोध गरे । अधिकृत केसीले थप्दै भने, बैषाख सम्ममा नै निमार्ण कार्यहरु सकाउने तिर लागेको, जेठमा नितिनिमार्ण, योजना छनौट, अनुगमन तथा मूल्याँकन तथा असारमा नगरसभा सम्पन्न गराउने योजनामा रहेको बताए ।
गत आबमा कोरोना महामारीको बाबजुद पनि सिरहा जिल्लाको १७ वटा स्थानिय तह मध्ये गोलबजार नगरपालिकाले सबभन्दा बढी ७० प्रतिशत भन्दा बढी काम गरेको र चालु आबमा पनि युद्धस्तरमा नै काम भईरहेकोले ८५ प्रतिशत भन्दा बढी काम गर्ने योजनाका साथ अगाडी बढिरहेको अधिकृत केसीले प्रतिबद्धता जाहेर गरे । अधिकृत केसीले थपे, जनप्रतिनिधी र नगरवासीहरुको सकृय सहयोग र सहभागिता रहेकोले समस्त नगरवासीहरुलाई धन्यवाद दिदै आगामी दिनमा अझ सकृयताका साथ सहयोग र सहभागिता जनाई नमूना नगरपालिका बनाउने अठोटका साथ अगाडी बढन सबैमा अपिल पनि गरे ।
