काठमाडौं : साढे १४ किलो चाँदी र आधा किलो सुन तस्करीका मुख्य योजनाकार इल्ताफ हुसेन अन्सारी प्रहरीको फन्दामा परेका छन् ।
महानगरिय प्रहरी परिसर काठमाडौं र पर्सा प्रहरीको संयुक्त अप्रेशनमा जाली नोटका कारोबारी अन्सारी पक्राउ परेका हुन ।
बारा हरपुर घर भएका अन्सारीको भारतीय जाली नोट कारोबारी युनुस अन्सारीसँग कनेक्सन देखिएको थियो ।
साउन १३ मा सुन्धाराबाट बा.६च ५५१९ नम्बरको स्कोर्पियोबाट सुन र पेस्तोलको झोला छाडेर भागेपछि प्रहरी अनुसन्धानबाट इल्ताफ हुसेन अन्सारीको संलग्नता खुलेको थियो।
पटक पटक जेल बसेका अन्सारी छुटेपछि सुन तस्करीमा सक्रिय भएको प्रहरी अनुसन्धानबाट खुलेको छ ।
महानगरीय अपराध महाशाखा र काठमाडौं प्रहरी परिसरले अन्सारीको खोजीलाई तीब्र बनाएको थियो ।उनलाई काठमाडौं ल्याउन लागिएको प्रहरीको भनाइ छ ।
