पेरिस । पाकिस्तानी प्रधानमन्त्री इमरान खानले फ्रान्सका राष्ट्रपति इम्यानुअल म्याक्रोनको चर्को आलोचना गरेपछि फ्रान्स पाकिस्तानी लडाकु विमानको अपग्रेडको सहयोग नगर्ने भएको छ ।
फ्रान्सले पाकिस्तानी मिराज लडाकु जेट, हवाइ रक्षा प्रणाली र अगोस्टा ९०बी सबम्यारिनको अपग्रेडमा सहयोग नगर्ने निर्णय गरेको हो । फ्रान्समा एक शिक्षको हत्या प्रकरणमा पाकिस्तानी प्रधानमन्त्री खानले फ्रान्सका राष्ट्रपतिको चर्को आलोचना गरेका थिए ।
पाकिस्तानले दशकौंदेखि मिराज जेटहरु फ्रान्सबाट ल्याउने गरेको थियो । फ्रान्सलाई यसअघि नै पाकिस्तानले आफ्नो रक्षा प्रणालीको गुणस्तर वृद्धिमा सहयोग गर्ने आग्रह गरेको थियो । तर, पछिल्लो घटनाले फ्रान्स पाकिस्तानसँग सशंकित भएको छ भने रक्षा प्रणाली सुधारमा सहयोग नगर्ने निर्णय गरेको छ ।
फ्रान्सको यस्तो निर्णयले पाकिस्तानी प्रधानमन्त्री खानलाई ठूलो झट्का लागेको छ भने लडाकु विमानको र रक्षा प्रणाली सुधारमा पनि धक्का लागेको छ ।
फ्रान्सले कतारलाईसमेत राफेल लडाकु विमानहरु पाकिस्तानलाई उपलब्ध नगराउन आग्रहसमेत गरेको छ । पाकिस्तानलाई उक्त विमानको कुनै टेक्निकल कुराहरु नदिन पनि कतारसँग आग्रह गरेको छ ।
पाकिस्तानले उक्त सम्पूर्ण जानकारीहरु चीनलाई दिन भएका कारण रक्षाम्बन्धी तथ्यांकहरु पाकिस्तानलाई उपलब्ध नगराउन आग्रह गरिएको हो ।
यसअघि भारतीय वदेश सचिव हर्ष वर्दन शारिंगलाले पेरिस भ्रमणका क्रममा २९ अक्टोबरमा पनि पाकिस्तानी प्रधानमन्त्रीले व्यक्तिगत रुपमा फ्रान्सका राष्ट्रपतिलाई निशाना बनाएर आलोचना गरेको विषयमा निन्दा गरेका थिए ।
