गाजा । हमासका एक वरिष्ठ अधिकारीले बीबीसीसँग दिएको जानकारीअनुसार गाजामा युद्धविराम र बन्धकहरूको रिहाइका लागि मध्यस्थकर्ताहरूले नयाँ सम्झौतामा पुग्न तीव्र प्रयास गरिरहेका छन्। तर, इजरायलसँग अझै कुनै प्रत्यक्ष वार्ता भएको छैन।
यो जानकारी त्यतिबेला सार्वजनिक भएको हो जब अमेरिकी राष्ट्रपति डोनाल्ड ट्रम्पले इरान र इजरायलबीच युद्धविराममा सहमति भएदेखि ‘ठूलो प्रगति’ भएको बताएका छन्। राष्ट्रपति ट्रम्पले भनेका छन् कि मध्यपूर्वका लागि उनको विशेष दूत स्टिभ विटकफले इजरायल र हमासबीच सम्झौतामा “धेरै नजिक” रहेको विश्वास गर्छन्।
उता, हमासले सञ्चालित स्वास्थ्य मन्त्रालयले बुधबार इजरायली आक्रमणमा परी ४५ जना प्यालेस्टिनी नागरिकको मृत्यु भएको तथ्य सार्वजनिक गरेको छ।
इसीबीच, इजरायली सेनाले मंगलबार भएको बम आक्रमणमा आफ्ना सात सैनिक मारिएको जानकारी दिएका छन्। उक्त आक्रमणको जिम्मेवारी हमासले लिएको छ।
स्थिति अझै तनावपूर्ण रहेको भएपनि, युद्धविराम र बन्धक रिहाइका लागि प्रयासहरू निरन्तर जारी रहेको स्रोतहरूले जनाएका छन्।
