संजय यादव, १६ कात्तिक
गोलबजार, सिरहा
सिरहाको गोलबजार नगरपालिका वार्ड नं ९ स्थित श्री जनता माध्यमिक विद्यालयका प्रधानाध्यापक परमेश्वर यादव आईतवार अनिवार्य अवकास हुनु भएको छ । प्रधानाध्यापक यादव त्यस विद्यालयमा निरन्तर २० बर्ष देखि प्रधानाध्यापक पदमा रही सेवा गर्नु भएको छ । प्रधानाध्यापक यादव गा्रमिण भेगमा रहेको बिद्यार्थीहरुको लागि उज्जवल भविष्यको लागि मिहिनेतपूर्वक कुशल प्रशासक भई काम गरेर आफनो छवी उच्च बनाउन सफल भएको छ । वडा नं ९ का वडा कार्यालयले एक कार्यक्रमको आयोजना गरी प्रधानाध्यापक यादवलाई विदाई गरेको छ । वडा अध्यक्ष रामपुकार कामतीले प्रसंशा पत्र र दोसल्ला ओढाई प्रधानाध्यापक यादवलाई सम्मान गरेको छ ।
प्रधानाध्यापक यादवले आफनो कार्यकालमा विद्यालयको भौतिक पूर्वाधार लगायत शैक्षिक क्षेत्रमा उल्ल्ेखनीय प्रगती गर्नु भएको छ । प्रधानाध्यापक यादवले कक्षा १० बाट स्तरबृद्धि गरी कक्षा ११ र १२ यानी की १०+२ सम्म बिस्तार, एसएलसी परीक्षा केन्द्र स्थापना, प्राबिधिक शिक्षा स्वीकृति तथा अनुमोदन, ८ कोठे पककी भवन, ४ कोठे पक्की भवन जस्ता ठूला आयोजनाहरु बिद्यालयको आन्तरिक कोष तथा सरोकारवाला निकायहरु संग समन्वय गरी बिद्यालय प्रगतीमा योगदान गर्नु भएको छ ।
