काठमाडौँ : सांसदहरुले चाडपर्व नजिकिदै जाँदा महङ्गी बढेको भन्दै बजार अनुगमन गर्नुपर्नेमा जोड दिएका छन् ।
सिंहदरबारमा मंगलबार बसेको प्रतिनिधिसभा अन्तर्गतको उद्योग तथा वाणिज्य र श्रम तथा उपभोक्ता हित समिति उनीहरुले कोरोना महामारीकाबीच आम सर्वसाधारण महङ्गीको मार परेको भन्दै बजार अनुगमनमा जोड दिएका हुन् ।
बैठकमा सांसद भिमसेनदास प्रधानले मनपरी ढंगले अत्यावश्यक बस्तुको भाउ बढेको बताउनुभयो । उहाले सरकारलाई कडा रुपमा निर्देशन दिई बजार अनुगमन गर्न लगाउनुपर्ने धारणा राख्नुभयो । श्रमिकबर्गहरु काम नपाएर समस्यामा रहेका बेला महङ्गीले थप मार परेको उहाको भनाई छ ।
उहाले २५ हजार सक्रिय संक्रमित भए लकडाउन गर्नुपर्ने स्वास्थ्यको भनाई अपरिपक्व रहेको भन्दै यसले नेपाली नागरिक नै समस्यामा पर्ने बताउनुभयो ।
त्यस्तै सांसद बिन्दा पाण्डेले कोरोना महामारीमा श्रमिकलाई राज्यले वास्ता नगरेको आरोप लगाउनुभयो । उहाले काठमाडौ मेयर फोरमसंग छलफल गरेर समस्यामा परेका श्रमिकहरुका बारेमा उचित सम्बोधन गर्न सकिने बताउनुभयो ।
श्रमिकहरुलाई राहत बाढ्ने भन्दा पनि श्रमको उपयोग गरि पारिश्रमिक दिने नीति ल्याउनुपर्ने उहाको भनाई छ ।
समिति सभापति विमलप्रसाद श्रीवास्तवले मूल्यबृद्धि नियन्त्रणका लागि भइरहेको कामका बारेमा सम्बन्धीत निकायका पदाधिकारीसंग छलफल गरिने बताउनुभयो ।
