पदाधिकारीहरुले बजेटका अभावका कारण परिणाममुखी काम गर्न नसकिएको गुनासो

काठमाडौँ  : बिभिन्न आयोगका पदाधिकारीहरुले प्रत्याप्त अधिकार, जनशक्ति र बजेटका अभावका कारण परिणाममुखी काम गर्न नसकिएको गुनासो गरेका छन् ।
सिंहदरबारमा मंगलबार बसेको रष्ट्रिय सभाको राष्ट्रिय सरोकार तथा समन्वय समितिको बैठकमा उनीहरुले आयोगले काम गर्न नसक्नुका पछाडी धेरै कारणहरु रहेका भन्दै सरकारको ध्यानाकर्षण गराइदिन आग्रह गरेका हुन् ।
छलफलमा मधेशी आयोगका अध्यक्ष डा. बिजय कुमार दत्तले १८ महिनामा १० पटक सचिव परिवर्तन भएको बताउनुभयो । उहाले पदाधिकारी बिहीन हुदा पनि नियमावलीको काम सकिएको, आन्तरिक कार्यबिधी निर्माण गरिएको उल्लेख गर्नुभयो । बिभिन्न कार्यक्रम गर्न पनि बजेट र पूर्वाधारको अभाव भएको गुनासो उहाले गर्नुभयो ।
त्यस्तै समावेशी आयोगका कार्यवहाक अध्यक्ष विष्णुमाया ओझाले आफु लामो समय कार्यबहाक अध्यक्षको रुपमा लामो समय भएको गुनासो गर्नुभयो । बैठक बस्नुपर्दा पनि एक्लै बस्नुपर्ने र आफ्नो कुरा आफैले मात्र सुन्नुपर्ने अवस्था रहेको भन्दै उहाले आयोगलाई पूर्णता दिन आग्रह गर्नुभयो ।
त्यस्तै महिला आयोगकी सचिव शान्ता अधिकारी भट्टराईले आयोग पदाधिकारी बिहीन हुदा कुनै नीतिगत निर्णय हुन नसकेको बताउनुभयो । आफुले कार्यालय प्रमुखको हैसियतले मात्र काम गर्नुपरेको भन्दै उहाले कुनै अधिकार नहुदा सेवामूलक काम गर्न नसकिएको बताउनुभयो ।
डा. बिजय कुमार दत्त, अध्यक्ष, मधेशी आयोग
विष्णुमाया ओझा, कार्यवहाक अध्यक्ष, समावेशी आयोग
शान्ता अधिकारी भट्टराइ, सचिव महिला आयोग

उहाले हेल्प लाइन पनि बन्द हुने अवस्थामा पुगेको बताउनुभयो । महिला आयोगमा लामो समयदेखि एक अध्यक्ष र चार सदस्य पद रिक्त छन् । त्यस्तै मधेशी आयोगमा सदस्य पद रिक्त छन् भने समावेशी आयोग कार्यबहाक अध्यक्षको भरमा चलिरहेको छ ।