दाङ : दाङमा नियम विपरीत सवारी चलाउने र कारवाहीमा पर्नेको सङ्या बढ्दो छ । जिल्लाका चालु आर्थिक वर्षको २ महिनामा ५ हजार ५ सय ३५ सवारी कारवाहीमा परेका छन । जिल्ला ट्राफिक प्रहरी कार्यालय दाङका प्रमुख प्रेमप्रसाद रेग्मीका अनुसार, ट्राफिक नियम विपरित सवारी चलाउने ५ हजार ५ सय ३५ सवारी कारवाहीमा परेको जानकारी दिनु भयो । उहाँका अनुसार चालु आर्थिक वर्षको २ महिनामा सबै भन्दा बढी मोटरसाइकल २ हजार ३ सय ८ वटा कारवाहीमा परेका छन । साउन महिनामा१ हजार ४ सय २५ मोटरसाइकल कारवाहीमा परेका छन । त्यस्तै बस १ सय २१,ट्रक ८ सय ६७,जिपकार ४ सय २६,ट्याक्टर २ सय ९६ र अटो÷टेम्पु ४ सय १५ गरि साउन महिनामा ३ हजार ५ सय ५० सवारी कारवाहीमा परेको ट्राफिक प्रमुख रेग्मीले जानकारी दिनु भयो । त्यस्तै उहाँले भदौ महिनामा मोटरसाइकल ८ सय ८३,बस ६७,ट्रक ३ सय ७७,जिपकार २ सय ७१,ट्याक्टर १ सय ३६ र अटो २ सय ९१ गरि १ हजार ९ सय ८५ सवारी कारवाहीमा परेको वताउनु भयो ।
३५ लाख १४ हजार ५ सय राजश्व
यसैबिच चालु आर्थिक वर्षको पहिलो २ महिनामा नियम विपरीत सवारी चलाउने ५ हजार ५ सय ३५ सवारीलाई कारवाही गर्दा ३५ लाख १४ हजार ५ सय राजश्व संकलन भएको जिल्ला ट्राफिक प्रहरी कार्यालय दाङका प्रमुख प्रेमप्रसाद रेग्मीले जानकारी दिनु भयो । उहाँका अनुसार साउन महिनामा सबै भन्दा बढी २२ लाख ५९ हजार ५ सय राजश्व संकलन भएको छ । त्यस्तै भदौ महिनामा १२ लाख ५५ हजार राजश्व संकलन भएको छ ।
यसैबिच सोही अवधिमा मापसे सेवन गरि सवारी चलाउने १ सय ७५ सवारीलाई कारवाही गरिएको छ । जसमध्ये साउन महिनामा १ सय ३३ सवारी कारवाही गर्दा १ लाख ३३ हजार राजश्व संकलन भएको छ भने भदौ महिनामा ४२ सावरलाई कारवाही गर्दा ४२ हजार राजश्व संकलन भएको ट्राफिक प्रमुख रेग्मीले जानकारी दिनु भयो । साथै उनले मापसे गरेर सवारी चलाएका, सिटबेल्ट नलगाएका, उछिन्ने, छतमा यात्रु राखेका, लेन अनुशासन मिचेका जस्ता कारणले गर्दा उनीहरुलाई कानूनी दायरामा ल्याइ कारवाही गरिएको समेत जानकारी दिनु भयो । himalayatimes
