यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
चिनियाँ विदेशमन्त्री वाङ यी र भारतीय समकक्षी सुभ्रमण्यम जयशंकरबीच भएको भेटपछि सार्वजनिक गरिएको संयुक्त विज्ञप्तिमा सीमा विवादले दुवै मुलुकलाई फाइदा नगर्ने उल्लेख गरिएको छ ।
उक्त संयुक्त विज्ञप्तिमा दुई मुलुकको बीचमा भएको असहमतिलाई तनावको रुप लिन नदिने, दुवै पक्षका सेनाले वार्ता जारी राख्ने, छिटोभन्दा छिटो तनाव हटाउने, सीमा क्षेत्रमा दुवै देशले उचित दुरी कायम राखेर सेना राख्ने, दुवै मुलुकले अहिले कायम रहेका सम्झौता र मापदण्ड पालना गर्ने र तनाव बढाउने कुनै काम नगर्नेलगायतका सम्झौता भएको छ ।
भेटवार्तापछि चिनियाँ विदेश मन्त्रालयले सार्वजनिक गरेको विज्ञप्तिमा दुई मुलुकको बीचमा यस किसिमका सामान्य मतभेदहरु देखिनु सामान्य रहेको उल्लेख गरेको छ । यद्यपि यस किसिमका मतभेदहरुलाई सही तवरले समाधान गरिनुपर्ने चीनले उल्लेख गरेको छ ।
चिनियाँ विदेशमन्त्री वाङ यीले भेटको क्रममा चीन र भारतको द्विपक्षीय सम्बन्ध सही दिशामा अघि बढिरहेको अवस्थामा कुनै समस्या उत्पन्न नहुने बताएका थिए । उनले भारतलाई झडप गराउने किसिमको उत्तेजक कायै नगर्न पनि आग्रह गरेका थिए ।
भेटको क्रममा भारतीय विदेशमन्त्री जयशंकरले पनि भारतले चिनियाँ भूमि अतिक्रमण गर्न नखोजेको र भारतको चीन नीतिमा कुनै परिवर्तन नभएको बताएका थिए ।गत साता मस्कोमा नै भारत र चिनियाँ रक्षामन्त्रीको बीचमा भेटवार्ता भएको थियो । बिहीबार दुई मुलुकका विदेशमन्त्रीको बीचमा तीन घण्टा लामो वार्ता भएको थियो । यसअघि पनि दुई मुलुकका लेफ्टिनेन्ट जनरल र कमाण्डरस्तरको वार्ता भएको थियो । तर, वार्तामा कुनै किसिमको सम्झौता भने हुन सकेको थिएन ।
स्रोत: बीबीसी
नेपाल एक्सन मिडिया प्रा.लि. द्वारा सञ्चालित
नेपाल एक्सन डटकम अनलाइन
www.nepalaction.com
ठेगाना: अनामनगर, काठमाडौं
+९७७-0१-000000
[email protected]
अध्यक्ष तथा प्रबन्ध निर्देशक : डा. कमलदीप अधिकारी
प्रधान सम्पादक : संजय यादव
© 2022 Nepal Action - All Rights Reserved to Nepalaction.com .
© 2022 Nepal Action - All Rights Reserved to Nepalaction.com .