जनकपुरधाम । जनकपुरधामको जनसंख्या झण्डै दुई लाख भएको छ ।
राष्ट्रिय जनगणना २०७८ को प्रारम्भिक नतिजा अनुसार जनकपुरधाम उपमहानगरपालिकाको कुल जनसंख्या १ लाख ९५ हजार ४३८ रहेको छ । यो पछिल्लो जनगणनाको तुल्नामा ३९ हजार ३१ जनाले बढी छ ।
राष्ट्रिय जनगणना ०७८ को अनुसार वर्तमान मधेश प्रदेशको राजधानी जनकपुरधाममा १ लाख ४१७ जना पुरुष र ९५ हजार २१ जना महिला छन् ।
यो पछिल्लो जनगणनाको तुल्नामा करिब अढाई प्रतिशतले बढी छ। १० वर्षको अवधिमा यस उपमहानगरमा १९ हजार ३२ पुरुष र १९ हजार ९ सय ९९ महिलाको संख्या बढेको छ।
राष्ट्रिय जनगणना २०६८ का अनुसार जनपुरधाम उपमहानगरपालिकाको कुल जनसंख्या १ लाख ५६ हजार ४०७ थियो। जसमा ८१ हजार ३८५ जना पुरुष र ७५ हजार २२ जना महिला थिए।
जनपकुरधाम उपमहानगरपालिका तत्कालिन जनकपुर नगरपालिका र बसबिटी, कनकपट्टी, महुवा प्रको, लोहना, कुर्था, देवपुरा रुपैठा, बिन्धी, बेंगासिवपुर र बसहीया गा.वि.स मिलेर २०७१ सालमा बनेको थियो।
राष्ट्रिय जनगणना २०६८ अनुसार साविक जनकपुर नगरपालिकामा ९७ हजार ७ सय ७६, बसबिटीमा २ हजार ९ सय ४८, कनकपट्टीमा ५ हजार ६ सय २०, महुवा प्रकोमा ५ हजार ७ सय ८२, लोहनामा ६ हजार ९ सय २७, कुर्थामा ७ हजार ८ सय १५, देवपुरा रुपैठामा ७ हजार ९ सय ३४, बिन्धीमा ६ हजार ९ सय ४५, बेंगासिवपुरमा ७ हजार १ सय २ र बसहियामा ७ हजार ५ सय ५८ जनसंख्या थिए।
