सिन्धु देशको माग गर्दै पाकिस्तानमा प्रदर्शन

Sindh
Sindh

सिन्ध : सिन्ध प्रान्तको सहिद बेहजिरबाद जिल्लाको काजी अहमद सहरमा एक विशाल विरोधको प्रदर्शन गरिएको छ । जनताले राज्यको आतंकवादको विरोधमा प्रदर्शन गरिरहेका छन् ।

प्रदर्शनकारीहरूले “सिन्धमा राज्य आतंकवाद, फासीवाद र क्रूरता रोक्नुहोस्” भन्दै नारा लगाए र उनीहरूले सिन्धमा राजनीतिक कार्यकर्ताहरुलाई बेपत्ता पार्ने काम रोक्नको लागि ब्यानरसमेत प्रदर्शन गरेका छन् ।

ठूलो संख्यामा उपस्थित प्रदर्शनकारीहरुमा बेपत्ता पारिएका परिवारका महिला र बच्चाहरु पनि सहभागी थिए । उनीहरुका परिवारका सदस्यहरु वर्षौं र महिनौंदेखि बेपत्ता छन् ।

सिन्ध राष्ट्रिय आवाजले नवाब मह्र, असलम माहेरी, ऐजाज गहो र हफीज पिरजाडो लगायत बेपत्ता व्यक्तिको लामो सूची सार्वजनिक गरेको छ ।

यी धेरै राजनीतिक कार्यकर्ताहरू ‘जय सिन्ध मुत्तहिदा महाज’ (जेएसएमएम) का हुन्, जो अलगाववादी राजनीतिक दल हो । यसले जुन पाकिस्तानबाट ‘सिन्धुदेश’ को अलग हुनुपर्ने माग राख्दै आएको छ ।

जर्मनीमा निर्वासनमा बसिरहेका जेएसएमएमका अध्यक्ष शफी बुर्फातले एएनआईलाई भने, “यो र्‍याली पाकिस्तानको आईएसआई र सेनाले अपहरण गरेका राजनीतिक कार्यकर्ताहरूको सुरक्षित रिहाइको लागि आयोजना गरिएको थियो । र्‍यालीको क्रममा गोप्य एजेन्सीहरूले सात प्रदर्शनकारीहरूलाई पक्रेका थिए ।”

सुरक्षा बलको हातबाट मानिसहरूले क्रूरता भोग्नु परेकोले सिन्ध प्रान्तको विभिन्‍न भागमा विरोध प्रदर्शन जारी छ । ठूलो संख्यामा राजनीतिक कार्यकर्ताहरू, पत्रकार र अन्य बौद्धिक बेपत्ता पारिएका छन् ।