संजय यादव,गोलबजार
फागुन ६, बिहिवार
सिरहा जिल्लाको पूर्व राष्ट्रिय जनता पार्टी नेपाल (राजपा) गोलबजार नगर तदर्थ समिति भंग गर्न पूर्व राजपा नेपाल जिल्ला कार्यसमिति सिरहाले प्रेस विज्ञप्ति जारी गरी माँग गरेका छन् । पूर्व राजपा र समाजबादीको समायोजन प्रक्रिया अगाडि बढिरहेको बेला राजपा नेपाल जिल्ला कार्यसमिति सिरहाको अध्यक्ष मण्डलीय सदस्य मनोज कुमार सिंहद्वारा हस्ताक्षरित विज्ञप्तिमा भनिएको छ, पूर्व राजपा गोलबजार नगर तदर्थ समिति २०७६ कार्तिक २६ गतेमा गठन भएको सो तदर्थ समिति हालसम्म नगर तदर्थ कार्यसमितिको एउटा बैठक पनि नगरीकन जिल्ला समितिबाट अनुमोदन समेत गराउन असफल भएकोले उक्त तदर्थ समिति पूर्व राजपाको विधान अनुसार अवैधानिक रहेकोले सो तदर्थ समिति भङ्ग गरी हाल पूर्व राजपा र पूर्व समाजवादी समायोजन गर्नुपर्ने भएकोले पूर्व राजपाको वडा देखि नगरपालिका सम्मको १० दिन भित्रमा समायोजन तयारी समिति गठन गर्न गराउन सम्पूर्ण पूर्व राजपा गोलबजार नगर, वडाका नेता तथा कार्यकर्ताहरुलाई पूर्व राजपा जिल्ला कार्य समिति हार्दिक अनुरोध गर्दछ ।
