सर्लाही- सशस्त्र प्रहरी बलले २७ लाखभन्दा बढी मूल्य बराबरको पटाका बरामद गरेको छ । मलंगवा नगरपालिका-४ गणेशियास्थित चिम्नी नजिकको टहरामा लुकाइ छिपाइ राखिएको पटाका बरामद गरिएको हो ।
सशस्त्र प्रहरी बल १० नम्बर गणका प्रहरी उपरीक्षक बिनोदराज खनालले गणबाट खटिएको टोलिले गणेशियास्थित चौरमा जस्ताको टहरामा शंका लागेर चेकजाँच गर्दा ठूलो मात्रामा पटाका बरामद भएको हो ।
दिपावली लक्षित गरी तस्करहरूले पटाका भित्र्याएको हुनसक्ने प्रहरीले जनाएको छ । बरामद भएको पटाकामा नागिन, भुइचम्पा, सुतली बम, रकेट लगायतका छन् । जसको बजारमुल्य २७ लाख ७७ हजार ५५२ रुपैया रहेको छ ।
बरामद भएको पटाका आवश्यक कानुनी प्रक्रिया पुरा गरी नस्ट गरिने उपरीक्षक खनालले बताउनु भयो । nepaltvonline
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
