धनुषा प्रहरीद्वारा डेढ लाख मूल्य बराबरको पटाका नष्ट

काठमाडौं । धनुषा प्रहरीले डेढलाख मूल्य बराबरको पटाकासहितका बिस्फोटक पदार्थन नष्ट गरेको छ ।

तिहारमा पड्काउन भारतबाट लुकाइछिपाइ ल्याउने क्रममा जिल्लाको विभिन्नस्थानबाट बरामद गरेको पटाकासहितका बिस्फोटक पदार्थ जिल्ला प्रहरी कार्यालय धनुषाले नष्ट गरेको हो ।

दशैं, तिहार तथा छठ पर्व लक्षित सुरक्षा योजना अनुरूप बिभिन्न मितिमा प्रहरी टोलिहरूले भारतबाट लुकाई छिपाई ल्याएका १ लाख ५० हजार मूल्य बराबरको अवैध पटका बराद गरी बुधबार नष्ट गरेको धनुषाका प्रहरी प्रवक्ता डिएसपी जितेन्द्र बस्नेतले जानकारी दिए ।

उनका अनुसार बुधबार अपराहन्न जिल्ला प्रहरी कार्यालय धनुषाको प्राङगङ भित्र खाल्डो खनि स्थानिय प्रतिनिधि, पत्रकार तथा भद्रभलादमीहरू समेतको उपस्थितिमा कानुनी प्रक्रिया पुरा गरी रित पुर्वक नष्ट गरिएको ।