राजविराज । सप्तरी सदरमुकाम राजविराजमा ‘फेस अफ सप्तरी फेसन शो’ हुने भएको छ ।
स्थानीय अनुहारलाई कलाकारितामा अघि बढाउने उद्देश्यले यो फेसन शोको आयोजना गर्न लागिएको छ । आईबी फिल्म प्रडक्सन काठमाडौंले आयोजना गर्ने शोमा स्थानीय कलाकारले स्थानीय पहिरनका साथ सहभागिता जनाउनेछन् ।
शोमा सप्तरीका १४ जना कलाकारको सहभागिता रहने फेसन प्रशिक्षक सोनु कर्णले जानकारी दिए । उनका अनुसार फेशन शोमा प्रतिक डान्स एकेडेमीका प्रशिक्षार्थीले गीत र नृत्य समेत प्रस्तुत गर्नेछन् ।
आगामी चैत १० गते शनिबारका दिन यो फेशन शो शिबशंकर सिनेमा हलको प्राङणमा आयोजना गरिने उनले बताए ।
शोका लागि दुई चरणमा बिभिन्न विद्यालय र कलेजका विद्यार्थीलाई सहभागी गराई १४ जनालाई छनौट गरिएको छ । ‘शोमा कसैको मनोबल कमजोर नहोस् भन्नका लागि प्रतियोगिता जस्तो गरिएको छैन’ उनले भने, ‘प्रदर्शनको आधारमा सबैलाई उपनाम दिइनेछ भने सबैलाई प्रमाण पत्र र गिफ्ट प्रदान गरिनेछ ।’
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
