सिरहा लहान २ असार –धनगढीमाईमा सम्पन्न ओरेक र धनगढीमाई नगरपालिकाको संयुक्त आयोजनामा एक दिने ऐकिकृत महिला स्वास्थ्य मेला विहिबार नयनपुर अस्पतालमा सम्पन्न भएको छ । शिविर बिहान ९ वजे देखि ४ वजे सम्म संचालन भएको थियो।१०० सय जनाले सिबिरबाट लाभ लिएका थिए।
शिविरमा महिलाको प्रजनन् स्वास्थ्य सम्बन्धि जाँच, सयपत्री कुराकानी, स्थानिय जडीबुटीकाबारेमा जानकारी, ओरेकको प्रकाशन प्रदर्शणी समेत राखिएको थियो।
शिविरमा महिलाको पाठेघरमा सुजन, पाठेघर झरेको, सेतो पानी बग्ने,महिनावारीको समयमा हुने समस्याबारे सेवा लिएका छन् । शिविरको उद्घाटन सत्रमा धनगढीमाई नगरपालिकाको उपप्रमुख संँगिता चौधरीको अध्यक्षता, प्रमुख शिवशंकर महतोको प्रमुख आतिथ्यता रहेको कार्यक्रममा अतिथि वडा नं ९ को अध्यक्ष प्रकाश योन्जन रहनु भएको थियो । सय जनाको हाराहारीमा सेवा लिएकाहरुमध्ये ८८ जनालाई स्त्री तथा प्रसुती विशेषज्ञ डा. शुसिला कुसवाहाले जाँच गर्नु भयो ।
८ जनालाई तेस्रो डिग्रीको पाठेघर झरेकोमा ५ जनालाई रिङ्ग प्रसरी गरेको थियो । ५ जनालाई पाठेघरको मुखमा सुजन र घाउँ देखिएकोलाई परामर्श गरी अगाडीको उपचारमा जान सल्लाह दिएको थियो।अधिकाशं पहिलो डिग्रीकोलाई शारिरीक अभ्यास ओरेक जिल्ला परामर्श तथा व्यवस्थापन समितिको संयोजक रिता महतोले गराउनु भयो भने स्थानिय जडीबुटीको प्रयोगबारे अभिमुखिकरण ओरेकको पुर्व महिला स्वास्थ्य परामर्श कर्ता दिलित चौधरीले दिनुभयो।सेतोपानी बग्ने,तल्लो पेट दुख्ने, महिनावारी गड्बडीको समस्या भएकाहरुले समेत सेवा लिएका थिए ।
