काठमाडौं । नेकपा माओवादीले आलोपालो सरकारको नेतृत्वमा शुरुको सरकारको नेतृत्व माओवादी अध्यक्ष प्रचण्डले गर्न पाउनु पर्ने प्रस्ताव गरेको छ । प्रधानमन्त्री शेरबहादुर देउवासँग अनौपचारिक रुपमा यो प्रस्ताव गरेको हो । आलोपालो सरकार सञ्चालनमा पहिलो पटकको प्रचण्डले नेतृत्व गर्न पाउनु पर्ने प्रस्ताव गरेको हो । ‘आलोपालो जनमत आएको छ पहिलो चरणको सरकारको नेतृत्व प्रचण्डले नै गर्न पाउनुपर्छ , यो दाबी स्वाभाविक हो’, माओवादीका एक नेताले भने । उनका अनुसार माओवादीले सरकारको नेतृत्व गर्न नपाएर सरकार बाहिर बसेर सहयोग गर्नेछ ।
शुक्रबार एक कार्यक्रममा माओवादी केन्द्रका महासचिव देव गुरुङले पनि अब प्रधानमन्त्री अध्यक्ष पुष्पकमल दाहाल ‘प्रचण्ड’ नै बन्नुपर्ने भन्दै भन्दै घुमाउरो अभिव्यक्ति दिएपनि सोझै प्रधानमन्त्री बन्नुपर्ने प्रस्ताव भने गरेनन । ‘बृहत् शान्ति सम्झौताका हस्ताक्षरकर्ता यो परिवर्तनको संवाहक हुन् । मुलुकको अभिभाभव हो । गिरिजाप्रसाद कोइराला यतिबेला हुनुहुन्न । एउटा सिंगो प्रचण्डमात्रै बाँकी हुनुहुन्छ । संकटपर्दाको अवस्थामा स्टेटमेन्टसिप लिएका पात्रहरु अघि बढ्ने कि नबढ्ने भन्ने प्रश्न छ । यो अवस्थामा मुलुकको अभिभावको रुपमा रहेको, यो व्यवस्थाको प्रस्तावकको रुपमा रहेको, मुलुकको व्यवस्थाको संरक्षकको रुपमा रहेको नेतृत्व अघि बढ्ने कि नबढ्ने भन्ने प्रश्न छ’, उनले भने ।
पोखराको एक कार्यक्रम देशको नेतृत्व गर्दैछु भनेर अभिव्यक्ति दिएका प्रचण्डले काठमाडौ आएपछि देउवासँग अनौपचारिक रुपमा आगामी सरकारको नेतृत्व आफूले गर्न पाउनु पर्ने प्रस्ताव राखेका हुन् । आफूलाई देशको नेतृत्व गर्ने अवसर प्राप्त हुँदा पहिलो प्रथामिकता भ्रष्टाचार नियन्त्रण र सुशासन कायम गर्नेतर्फ केन्द्रित हुने बताएका थिए । त्यसपछि काठमाडौ आएका उनले प्रधानमन्त्रीका रूपमा आफ्नो पहिलो कार्यकाल राम्रोसँग विधि प्रक्रिया र सबै उतारचढाव बुझ्न नपाइ व्यतित भएको र दोस्रो कार्यकालमा देशका लागि राम्रो काम गर्न सकेकामा गर्व लागेको तथा अब एक पटक नेतृत्व गर्ने र त्यसपछि देउवालाई दिने आशय व्यक्त गरेको स्रोतको दावी छ । ‘राष्ट्रको एकतालाई सुदृढ गर्ने, मधेश, पहाड र हिमाललाई एकताबद्ध गरी सिंगो देशलाई लोकतान्त्रिक प्रक्रियामा प्रवेश गराउनका लागि अब मेरो नेतृत्व आवश्यक रहेको बताउनु भएको छ’, प्रचण्ड निकट रहेका एक नेताले भने ‘उहाँले बाँकी जीवन सुशासन र विकासका लागि बिताउने पनि बताउनु भएको छ ।’
निर्वाचन सकिए लगत्तै प्रचण्डले आफूलाई कांग्रेसले शुरुकै सरकारको नेतृत्व गर्न दिने भन्दै आफू निकटका नेताहरुसँग बताएका थिए । सोही अनुसार कांग्रेसले शुरुको कार्यकाल प्रधानमन्त्री नबनाउने भए एमालेसँग सहकार्य गर्ने भन्दै माओवादीले बार्गेनिङ गरिरहेको छ । एमाले अध्यक्ष केपी शर्मा ओलीसँग माओवादी महासचिव देवा गुरुङको भेटघाटलाई यही रुपमा लिइएको छ । माओवादी अध्यक्ष प्रचण्डले आलोपालो सरकारको नेतृत्व गर्नेगरी पहिलो साढे दुई वर्षका लागि प्रधानमन्त्री दाबी गरेपछि कांग्रेसभित्र पनि यो विषयमा छलफल र बहस शुरु हुन थालेको छ ।
नेकपा एसले सकेसम्म राष्ट्रपति, त्यो नभए सभामुख दाबी गर्ने भएको छ । माओवादी केन्द्रले सरकार गठनका लागि सबै विकल्प खुला गरी कसरी पार्टी माओवादी अध्यक्ष प्रचण्ड प्रधानमन्त्री बन्न सक्छन् भन्नेतर्फ ध्यान केन्द्रित गर्न थालेको छ । शुरुको कार्यकाल प्रधानमन्त्री दावी गरेका प्रचण्डले एमालेसँग पनि आफ्ना प्रतिनीधिहरु पठाएर कुराकानी अघि बढाएका छन् ।
सरकार बनाउन कांग्रेस र एमालेलाई माओवादी नै चाहिने भएपछि प्रचण्डले प्रधानमन्त्री पदलाई मुख्य ‘मिसन’ बनाएका छन् । प्रचण्ड एमालेतिर नजिक हुन खोजेपछि नेकपा एस भने कांग्रेससहित हालको गठबन्धनबाटै सरकार बनाउनुपर्नेमा उभिएको छ । नेपालबहस
