एजेन्सी = पाकिस्तानका पूर्वप्रधानमन्त्री इमरान खानको र्यालीमा आइतबार दुर्घटना भएको छ । न्यूज च्यानल रिपोर्टर सदफ नईमको ‘हकीकी आजादी मार्च’ को क्रममा कन्टेनरले किचेर मृत्यु भएको थियो। यो दुर्घटनापछि इमरान खानले मार्च रोक्ने घोषणा गरेका थिए । सदफ नईम च्यानल ५ न्युजका पत्रकार थिए ।
पाकिस्तानी मिडियाका अनुसार इमरान खान चढेको कन्टेनरमा पसेर पत्रकारको मृत्यु भएको हो । उनी आफ्नो च्यानलका लागि इमरान खानको विशेष अन्तर्वार्ता लिन चाहन्थिन् । त्यही भएर उनी कन्टेनरको अगाडि दौडेर यो दुर्घटना भएको हो । इमरान खानको यो र्याली लाहोरको कमोकेदेखि जीटी रोडसम्म जाँदै थियो।
पछि शोक व्यक्त गर्दै इमरान खानले यो दुखद दुर्घटनाका कारण मार्च रोकिएको बताए । यो पदयात्रा तेस्रो दिनमा नै गुजदारनवाला पुग्न लागेको थियो । तर, अब यो सोमबार चौथो दिन गुजरानवाला पुग्नेछ । पाकिस्तानी प्रधानमन्त्री शाहबाज सरिफले पनि पत्रकारप्रति दुःख व्यक्त गरेका छन् । उनले सदफ नइम निकै जीवन्त र मेहनती रिपोर्टर भएको बताए ।
