काठमाडौं- उत्तर कोरियाले फेरि एकपटक दुई बैलिस्टिक मिसाइल प्रहार गरेको छ। दुवै मिसाइल जापानको समुद्रतर्फ प्रहार गरिएको दक्षिण कोरियाका अधिकारीहरूले पुष्टि गरेका छन्।
जापानको विदेश मन्त्रालयले पनि मिसाइ प्रहार भएको पुष्टि गरेको छ।
जापानी कोस्ट गार्ड अधिकारीहरूका अनुसार मिसाइल जापानको स्पेसल इकोनोमिक जोन बाहिर खसेको छ। मिसाइल आक्रमणबाट जापानको कुनै पनि जहाजलाई क्षति नभएको उनीहरूले बताएका छन्।
दक्षिण कोरियाको समाचार एजेन्सी योनहापले प्योङयाङको सुनसान क्षेत्रमा शनिबार बिहान करिब ७ बजेतिर मिसाइल प्रहार भएको जनाएको छ।
उत्तर कोरियाले बिहीबार अमेरिकी राष्ट्रपति कमला हैरिसको दक्षिण कोरिया भ्रमण सके लगत्तै मिसाइल प्रहार गरेको थियो।
यस वर्ष उत्तर कोरियाले मिसाइल प्रक्ष्येपणको संख्यामा वृद्धि गरेको छ। उत्तर कोरियाले २०१७ मा पहिलो इन्टरकन्टिनेन्टल बैलिस्टिक मिसाइल परीक्षण गरेको थियो।
अब आगामी केही साताभित्र उत्तर कोरियाले परमाणु हतियारको परीक्षण गर्ने दाबी गरिएको छ।
उत्तर कोरियाले यस वर्षको अहिलेसम्म २० बैलिस्टिक मिसाइर र दुई क्रुज मिसाइल परीक्षण गरिसकेको छ।
