काठमाडौँ : देशका बिभिन्न स्थानमा गरिएको परिक्षणका क्रममा थप १०८१ जनामा कोरोना पुष्टि भएको स्वास्थ्य मन्त्रालयका प्रवक्ता डा जागेश्वर गौतमले जानकारी दिनुभयो । बुधबार काठमाडौंमा उपत्यकामा ४६४ जना कोरोना संक्रमित थपिएका छन् । काठमाडौंमा ३९४, ललितपुरमा ३६ र भक्तपुरमा ३४ संक्रमित थपिएको स्वास्थ्य मन्त्रालयले जनाएको छ । हालसम्म काठमाडौंमा ७ हजार ६ सय ११ ललितपुरका १ हजार ११ र भक्तपुरमा ८१८ संक्रमित पुगेका छन् । यो संगै नेपालमा कोरोना संक्रमितको संख्या ४९२१९ पुगेको छ । हाल सक्रिय संक्रमितको संख्या १५, ०२५ जना रहेका छन् । बुधबार ९१८ जना डिष्चार्ज भएका छन् भने कोरोना संक्रमण निको भएर हालसम्म ३३८८१ जना डिष्चार्ज पुगेको गौतमले जानकारी दिनुभयो ।
त्यस्तै कोरोनाका कारण थप ६ जनाको मृत्यु भएको छ । यो संगै नेपालमा कोरोनाका कारण मृत्यु हुनेको संख्या ३१२ पुगेको मन्त्रालयले जनाएको छ । हाल क्वारेन्टाइनमा ५४८० जना रहेका छन् ।
