काठमाडौं । सरकारले अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) संसदमा पेश गर्न लागेको भन्दै विरोध प्रदर्शनमा उत्रिएका १३५ जनालाई प्रहरीले पक्राउ गरेको छ ।
महानगरीय प्रहरी परिसर काठमाडौँका प्रमुख एसएसपी सुदिप गिरीका अनुसार उनीहरुलाई संसद भवन परिसर नयाँ बानेश्वर, माइतीघर र उपत्यकाका विभिन्न ठाउँबाट पक्राउ गरिएको हो । पक्राउ गरिएकाहरूलाई भृकुटीमण्डपस्थित नगर प्रहरीको कार्यालय, प्रहरी वृत सिंहदरबार र बानेश्वरमा राखिएको एसएसपी गिरीले जानकारी दिए ।
यस्तै, प्रदर्शनका क्रममा झडप हुँदा एक प्रदर्शनकारी र ९ जना प्रहरीसमेत घाइते भएका छन् ।
एमसीसीको विरोधमा बुधवार नेकपा माओवादी केन्द्रका भातृसंगठन, राप्रपाको भातृ संगठन, नेकपा एकीकृत समाजवादी पार्टीको विद्यार्थी संगठन अनेरास्ववियू र ५ साना कम्युनिष्ट पार्टीहरुले छुट्टाछुट्टै प्रदर्शन गरेका थिए ।
प्रदर्शनका कारण बानेश्वर क्षेत्र दिनभर तनावग्रस्त बनेको थियो । प्रदर्शनकारीहरुले प्रहरी ढुंगा प्रहार गरेपछि प्रहरीले बल प्रयोग गरेको थियो। जसमा असुल ग्यास र पानीको फोहोरा समेत हानिएको थियो।
