संजय यादव, सिरहा
३० असोज, २०७८
संघीय सरकारको नवनियुक्त भौतिक पूर्वाधार तथा यातायात मन्त्री रेनुकुमारी यादवले हाम्रो मंत्रालयबाट हुने कामकाजले जनताले अनुभूति गर्न सकिने खालको हुने बताएकी छिन् । विकास निर्माण कार्यमा प्राथमिकताको आधारमा योजनावद्ध तवरले कामकाज अगाडी बढाउने बताइन् । सिरहाको गोलबजारमा नेता÷कार्यकर्ताहरुसँगको भेटघाटमा नवनियुक्त मन्त्री यादवले यस्तो बताइन् । जनता समाजवादी पार्टी नेपाल.(जसपा)को कार्यकारिणी सदस्य समेत रहेकी मन्त्री यादवले जातपात, उच्च नीच कुनै किसिमको विभेद आफूलाई स्वीकार्य नहुने पनि बताइन् ।
मन्त्री यादवले भनिन, आफू शिक्षा मन्त्री छदाँ दलित, जनजाति, महिला, आदिवासी, मधेसी, मुस्लिम आदिको आरक्षण कोटा छुट्याउने काम हामीले नै गरेकी हौं । सरकारी स्कूलबाट एसएलसी उत्तीर्ण गरेकाहरुले मात्र आरक्षण पाउने नीति बनाउने काम समेत गरेकी बताइन् । मन्त्री यादवले भनिन्, यसपाली भौतिक पूर्वाधार तथा यातायात मन्त्रालयको जिम्मा पाएको छु, त्यसैले सबैसँग सल्लाह सुझाव र सहयोगको अपेक्षा गरेकी समेत बताइन् । नवनियुक्त मंत्री यादवले अहिले मंत्रालयको बारे सबै जानकारी लिननसकेको र अब काठमाडौ जानेबित्तिकै मन्त्रालयको बारे विस्तृत जानकारी लिई जनहितको कामकाज अगाडी बढाउने बताईन ।
