एजेन्सी : विश्व बैंकले भारत-पाकिस्तान जलश्रोत विवादमा मध्यस्थता गर्न अस्वीकार गरेको छ ।
विश्व बैंकले पाकिस्तान र भारतबीच लामो समयदेखि बाँकी रहेको पानीको विवाद सुल्झाउन तटस्थ विज्ञ वा मध्यस्थता अदालतको नियुक्तिसम्बन्धी स्वतन्त्र निर्णय लिन असक्षमता जाहेर गर्दै दुई देशले द्विपक्षीय रुपमा एउटा विकल्प छनोट गर्नुपर्ने बताएको छ ।
“भारत र पाकिस्तान दुबै मिलेर कुन विकल्प अगाडि बढाउनुपर्दछ,” इस्लामाबादमा आफ्नो पाँच वर्षको कार्यकाल समाप्त भएपछि पाकिस्तानका विश्व बैंकका पूर्व कन्ट्री निर्देशक पचमुथु इलंगोभानले भने ।
डनसँग कुरा गर्दै इलंगोले थपे, “पाकिस्तानले मध्यस्थ अदालत (सीओए) को नियुक्तिको लागि अनुरोध गरेको थियो । पाकिस्तानले भारतले दुई जलविद्युत् आयोजनाको विवाद सुल्झाउन तटस्थ विज्ञको खोजी गरेको जनाएको थियो । १९६० को सिन्धु जलस्रोत अन्तर्गत दुई विरोधाभास स्थितिका कारण विश्व बैंकले दुई सरकारलाई मतभेद सुल्झाउन र अगाडि बढ्न सहयोग गरिरहेको छ ।”
उनले विश्व बैंकले स्वतन्त्र निर्णय लिने कुनै अधिकार नभएकोसमेत बताएका छन् । पाकिस्तानले भने सिन्धु जलश्रोतको विषयमा उब्जिएको विवाद समाधान गर्न मध्यस्थता गर्दै त्यहाँ लगानी गर्न आग्रह गर्दै आएको थियो ।
