इस्तानबुल : टर्कीको इस्तानबुल सहरको व्यस्त इलाकामा विस्फोट भएको छ । यस विस्फोटमा कम्तीमा ६ जनाको मृत्यु भएको छ भने ५३ जना घाइते भएका छन् । टर्कीका अधिकारीहरूले यसको पुष्टि गरेका छन्। इस्तानबुलका गभर्नर अली येर्लिकायाले स्थानीय समय अनुसार अपराह्न ४ः२० मा ताक्सिम स्क्वायर क्षेत्रको सपिङ स्ट्रिटमा विस्फोट भएको हो । विस्फोटको भिडियो सामाजिक सञ्जालमा आएको छ, जसमा मानिसहरु भिड रहेको सडकमा अचानक बिस्फोट भएको देखिन्छ ।
टर्कीका राष्ट्रपति रेसेप तैयप एर्दोगानले विस्फोटलाई आक्रमणको संज्ञा दिँदै दोषीलाई कारबाही गरिने बताएका छन् । बीबीसी रिपोर्टका अनुसार विस्फोटपछि इस्तिकलाल स्ट्रिट वरपर ठूलो संख्यामा प्रहरी परिचालन गरिएको थियो। उक्त क्षेत्रमा नाकाबन्दी गरिएको थियो। एम्बुलेन्सले घाइतेलाई यहाँबाट निकालेर अस्पताल पुर्याउने गरेका छ्न । क्षेत्रको सुरक्षाका लागि हेलिकप्टर पनि घुमिरहेका छन् । विस्फोटपछि जताततै हलचल मच्चिएको छ । विस्फोटको आवाज सुनेपछि मानिसहरु भाग्न थालेका थिए ।
