सप्तरी : सप्तरीमा एक कोरोना संक्रमित महिलाको भेन्टिलेटर र आइसियुको अभावमा मृत्यु भएको छ ।
जिल्लाको राजविराज नगरपालिका २ की ६५ वर्षीया वृद्ध महिलाको मृत्यु भएको जिल्ला स्वास्थ्य कार्यालय सप्तरीका प्रमुख दुनियालाल यादवले जानकारी दिए ।
शुक्रबार गजेन्द्रनारायण सिंह सगरमाथा अस्पतालको आकस्मिक कक्षमा भर्ना भएकी उनको सोही दिन स्वाब संकलन गरिएकोमा शनिवार रिपोर्ट पोजेटिभ आएको थियो । तर शनिबार राति भेन्टिलेटर आभावमा थप उपचारका लागि रेफर गरियो ।
उपचारकै क्रममा सास फेर्न गाह्रो भएपछि चिकित्सकको सल्लाह अनुसार ती महिलालाई थप उपचारका लागि बिराटनगर लग्ने क्रममा बाटोमै मृत्यु भएको यादवले बताए ।
गजेन्द्र नारायण सिंह अस्पतालमा ४ वटा भेन्टिलेटर भएपनि जनशक्ति आभावमा प्रयोग विहिन रहेको छ । भेन्टीलेटर आवश्यक भएका गम्भिर किसिमको संक्रमितहरुलाई त्यहाँबाट अन्यत्र रिफर गर्दै आएको छ । सप्तरीमा हालसम्म ६ जनाको कोरोना संक्रमणबाट मृत्यु भएको छ । lokpukar
