सर्लाही । सर्लाहीको ईश्वरपुरमा मोटरसाइकल दुर्घटनामा एक युवक गम्भीर घाइते भएका छन् ।
दुर्घटनामा परि हरिपुर नगरपालिका–८, ईन्द्रपुर बस्ने ३५ वर्षीय दानबहादुर श्रेष्ठ गम्भीर घाइते भएको प्रहरीले जनाएको छ ।
श्रेष्ठ चलाइरहेको बा ५० प ४४०२ नम्वरको मोटरसाइकल शुक्रबार बिहान ईश्वरपुर नगरपालिका–७, धनपती डाँडामा अनियन्त्रित भएर विजुलीको पोलमा ठोक्किएर दुर्घटना भएको हो ।
टाउको, हात र खुट्टामा चोट लागेर गम्भीर घाइते भएका श्रेष्ठलाई ईश्वरपुरस्थित अमृत हेल्थ केयर बयलवासमा भर्ना गरिएको थियो । त्यहाँ उपचार सम्भव नहुँदा थप उपचारको लागि लबन्दी सिटी हेल्थ केयरमा ल्याइएको थियो ।
त्याहाँबाट उनलाई थप उपचारको लागि काठमाडौं रेफर गरिएको छ । गम्भीर घाइते श्रेष्ठलाई अल्टिटिउड हेलिकप्टरमार्फत शिक्षण अस्पताल महाराजगन्ज, काठमाण्डौं रेफर गरिएको ईलाका प्रहरी कार्यालय लालबन्दीले जनाएको छ ।
