राजविराज । महावाणिज्य दूतावास विरगंजका महावाणिज्यदूत श्री देवी सहाय मीनाले आज पर्सामामा आयोजित एक कार्यक्रममा पर्साका प्रमुख जिल्ला अधिकारी भोला प्रसाद दाहाललाई कैदी बोक्ने १० वटा ट्रक औपचारिक रूपमा हस्तान्तरण गरेका छन् ।
उक्त ट्रकहरू भारत सरकारद्वारा नेपाललाई प्रदान गरिएको सहयोगको एक हिस्सा रहेको जनाइएको छ ।
कार्यक्रममा बोल्दै प्रमुख जिल्ला अधिकारी भोला दाहालले भारतीय पक्षले उपहारस्वरूप उपलब्ध गराएका ट्रकका लागि धन्यवाद व्यक्त गर्दै नेपाल–भारतबीचको व्यापक तथा पारस्परिक लाभदायक सहकार्यको प्रशंसा गरे । उनले यस्ता सहयोगले कानून प्रवर्तन तथा सुरक्षा व्यवस्थापनमा थप प्रभावकारिता ल्याउने विश्वास व्यक्त गरे ।
भारत सरकारले यसअघि पनि ५ मार्च २०२६ मा सम्पन्न प्रतिनिधि सभा निर्वाचनका लागि नेपाल सरकारले गरेको अनुरोधअनुसार एसयूभी, पिकअप तथा ट्रकसहित करिब ६४० वटा सवारी साधन नेपाललाई उपलब्ध गराएको थियो । त्यसैगरी विगतका वर्षहरूमा , तथा लगायत सुरक्षा निकायलाई २ हजारभन्दा बढी सवारी साधन भारत सरकारले उपहारस्वरूप प्रदान गरिसकेको बताइएको छ ।
भारतीय पक्षले जारी राखेको सहयोग तथा समर्थनले नेपाल–भारतबीचको बहुआयामिक र बहुक्षेत्रीय विकास साझेदारीलाई थप सुदृढ बनाएको उल्लेख गरिएको छ । साथै, यसले दुई देशका जनताबीच रहेको गहिरो विश्वास, मित्रता र सहकार्यलाई समेत प्रतिबिम्बित गर्ने बताइएको छ ।
