एजेन्सी-
भारतको उत्तरप्रदेशको गोरखपुरस्थित एक गाउँको घटनाको बारेमा अहिले भारतभर चर्चा भइरहेको छ ।
तीन बच्चाकी आमा गाउँकै विद्यालयमा ७ कक्षामा अध्ययनरत १६ वर्षीय किशोरसँग भागेपछि घटनाले व्यापक चर्चा पाएको हो ।
घटनापछि किशोरको परिवारले प्रहरीमा उजुरी दिएको आजतकले जनाएको छ । उजुरीसँगै प्रहरीले पनि महिला र किशोरको खोजीलाई तीव्र बनाएको छ ।
महिला र किशोर लामो समयदेखि एकअर्काप्रति राम्रो घुलमिल गर्ने गरेको स्थानीयले जनाएका छन् ।
१० मार्चको रातिदेखि दुवै गाउँमा देखिएका छैनन् ।
एकै रात महिला र किशोर हराएपछि गाउँमा भने हल्ला फैलिएको छ ।
किशोरको परिवारले दुवैलाई सम्पर्कमा ल्याउन प्रयास गरे पनि नसकेपछि प्रहरीकोमा खबर गरेका थिए ।
प्रहरीले जाँचलाई तीव्र बनाए पनि अहिलेसम्म उनीहरू सम्पर्कमा नआएको समाचार उल्लेख छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
