काठमाडौ । बैतडीको दोगडाकेदार गाउँपालिका–७ कि १७ वर्षीय किशोरी भागरथी भट्टको मृत्यु घटनामा प्रहरीलाई ठूलो सफलता हात लागेको छ । प्रहरीको उच्च निगरानीमा रहेका एक ब्यक्ति भाग्दा भाग्दै पक्राउ परेका छन् । उनी भारत भाग्न लागेको अवस्थामा प्रहरीले पक्राउ गरेको हो ।
प्रहरीको टोलीले ती ब्यक्तिलाई शानिवार राति कञ्चनपुरको महेन्द्रनगरबाट पक्राउ गरेको हो । यद्धपी प्रहरीले यसवारेमा सार्वजनिक गरेको छैन । भागरथी घटना पनि निर्मला पन्तको घटना जस्तो नहोस भनेर निकै सचेत देखिएको प्रहरीलेअनुसन्धानलाई असर गर्ने भन्दै कुनै जानकारी चुहाएको छैन ।
भागरथीको ह त्या भएको दिन ती व्यक्ति पनि घटनास्थलबाट ३ किलोमिटर वर खोचलेक बजारमा रहेको पाइए पछि प्रहरीले ति ब्यक्तिलाई उच्च निगरानीमा राखेको थियो । भागरथी खोचलेक बजारबाट घरतर्फ लागेको देखेपछि उनीपनि सोही वाटो निस्किएको प्रहरी अनुसन्धानवाट खुलेको हो । उनलाई भारत भाग्न लागेको आशंकामा पक्राउ गरिएको प्रहरी स्रोतले जनाएको छ ।
अनुसन्धानको क्रममा घटनाको समयमा उनी घटनास्थल नजिकै पाइएको र केही आधार पनि देखिएकाले उनलाई प्रहरीले उच्च निगरानीमा राखेको थियो । ति ब्यक्तिको घर नजिक भागरथीको मोबाइलको ब्याट्री पनि फेला परे पछि प्रहरीको अनुसन्धान उनीतिर मोडिएको हो ।
यद्यपि यहि आधारले मात्र घटनामा उनको संलग्नता पुष्टि भने हुँदैन । त्यसका लागि भेजाइनल स्वाब र घटनास्थलमा भेटिएको वीर्यको डिएनए टेष्ट गर्नुपर्ने हुन्छ । पक्राउ परेका व्यक्ति सार्वजनिक पद धारण गरेका व्यक्ति हुन् ।
एकजना शंकितलाई पक्राउ गरेकोबारे प्रश्न गर्दा केन्द्रीय प्रहरीले भने अनभिज्ञता जनाएको छ ।
