संजय यादव, सिरहा
माघ, २१ गते
जनता समाजबादी पार्टी नेपालका केन्द्रीय कार्यकारिणी समिति सदस्य एवं पूर्वमंत्री महेन्द्र राय यादवले मधेश मुक्ति र अधिकारको लागि जसपाको निमार्ण भएकोे बताएका छन् । कार्यकारी प्रधानमंत्रीय प्रणालीले देश धाराशाही बन्दै असफल भईसकेको र विश्वमा राष्ट्रपतिय प्रणाली लागु भएको देश निकै नै फडको मारिसकेको ज्वलन्त उदाहरणहरु रहेको नेता यादवले बताए । प्रत्यक्ष निर्वाचन प्रणालीले देश धाराशाही र भ्रष्टाचारमा मलजल गर्ने मुख्य आधार रहेकोले देशलाई समानुपातिक प्रणालीको आवश्यकता रहेको नेता यादवले बताए ।
सिरहाको गोेलबजारमा जसपा नेपाल जिल्ला समन्वय समिति सिरहाको आयोजनामा मुलुकको समसमायिक अवस्था बारे बिचार आदान प्रदान कार्यक्रमको प्रमुख अथितिको आसनबाट बोल्दै नेता यादवले यस्तो बताए । नेता यादवले कार्यक्रममा बिचार राखदै भने, मधेश मुक्तिको लागि रोडम्याप बनाई ततकालिन नेकपा एमालेबाट निर्वाचित संसद पदबाट समेत आफुले राजीनामा दिई मधेश आन्दोलनमा लागेको बताए । जसपा नेपाल बैकल्पिक शक्तिको रुपमा उदाउने बताए । नेता यादवले थपे, मुक्ति र अधिकार लिनु नै जसपाको लक्ष्य र उद्धेश्य रहेको समेत बताए । नेता यादवले जसपा नातावाद, कृपावाद, टिकट बितरणमा कुनै बिभेद नहुने र क्षमताको आधारमा स्थान पाउने समेत प्रतिबद्धता जाहेर गरे । कार्यक्रममा अगुवा कार्यकर्ताहरुबाट उठेका जिज्ञासाहरुलाई जवाफ दिदै नेता यादवले भने पार्टीमा गुटउपगुटहरुलाई मलजल गर्ने र आत्मघातीलाई पार्टीमा गुनजायस नरहने पनि बताए । पार्टीमा रहेको असतुष्टिहरुलाई पार्टीको समायोन पश्चात सबै मेटिने बताउदै जनताको हितमा काम गर्नकै लागि जसपाको निमार्ण भएको बताए । नेता यादवले भने, अहिलेको संबिधान बलजफती लेखेको र हाम्रो केही माँग पुरा भएको र बाँकी असन्तुष्टि शंसोधन गराउनको लागि संघर्षमै रहेको र प्राप्त उपलब्धीलाई रक्षा गर्ने जसपाको अबधारणा रहेको बताए । प्रतिनिधी सभा पुनस्थापना गराएर संबिधानलाई रक्षा गर्ने जसपाको बटम लाईन रहेको समेत बताए । प्रदेश सरकारको बिषयमा प्रदेश सरकारको लगानी उत्पादनमूलक हुनुपर्ने नकी पोखरी, नदी घाट सौन्दर्यकरणको लागि करोडौ रुपैया खर्चेको प्रति असनतुष्टि ब्यक्त गरे ।
त्यस्तै कार्यक्रममा जसपा नेपालका अर्का कार्यकारिणी समिति सदस्य प्रकाश अधिकारीले देशको राजनिति अबस्था गम्भीर मोडमा पुगिसकेको र प्रधानमंत्री ओलीले संघियता नै समाप्त गर्न लागिपरेको बताए । बैषाखमा कुनै पनि हालतमा निर्वाचन नहुने ठोकुवा पनि गरे ।
त्यस्तै कार्यकारणी समितिका अर्का सदस्य तथा प्रदेश नं २ सरकारका आर्थिक मामिला तथा योजना मंत्री बिजय कुमार यादवले अहिलेको प्रदेश सरकार होईन, संघिय सरकारको निकाय सरह रहेको बताए । प्रदेशको मुख्यमंत्री अञ्चलाधिश र मंत्रीहरु सिडियो सरह रहेको समेत बताए । संघ सरकारले ७ वटा प्रदेशको लागि १५ प्रतिशत रकम मात्र छुट्याएकोले यसबाट विकासको कस्तो अपेक्षा गर्ने समेत बताए । कार्यक्रममा जसपा नेपालका केन्द्रीय सदस्यहरु, अनुशासन आयोगका सदस्य लगायत जिल्लामा रहेका जसपाको अगुवा कार्यकर्ताहरुको उपस्थिती रहेको थियो ।
