संजय यादव, गोलबजार, सिरहा
पुस, २५ शनिवार
सिरहाको गोलबजारमा नेपाली काँगे्रसले बृहत बिरोध रयाली प्रदर्शन गरेका छन् । प्रतिनिधि सभा बिघटन असंबैधानिक, अलोकतान्त्रिक कदमका बिरुद्ध नेपाली काँगे्रसको पूर्वघोषित कार्यक्रम अनुसार शनिवार नेपाली काँगे्रस सिरहा क्षेत्र नं ३ क को आयोजनामा गोलबजारमा बृहत बिरोध रयाली प्रदर्शन गरेको छ ।
पार्टीका नेता कार्यकर्ताहरुले हात हातमा नेपाली काँगे्रसको झण्डा फहराउदै प्रतिनिधि सभा पूर्नस्थापना गर, नेपाली काँगे्रस जिन्दावाद, निरंकुस सरकार मुर्दावाद जस्ता नारा घनकाउदै गोलबजार नगर परिक्रमा गरी कोण सभामा परिणत भएको थियो ।
कोण सभालाई नेपाली काँग्रेसका नेताहरु अमर रेग्मी, चन्द्रदेव यादव, मुस्ताक अंसारी, राजदेव साह, अरबिन्द मण्डल, शरद राजा शाही, कौशल मण्डल, हरीलाल कामती लगायतले सम्बोधन गरेको थियो । सम्बोधनमा नेताहरुले प्रतिनिधि सभा पूर्नस्थापना नभएसम्म आन्दोलन जारी रहने भनेको थियो । शनिवार नेपाली काँग्रेसले मुलुक भरीका प्रदेश सभा निर्वाचन क्षेत्रमा बिरोध प्रदर्शन गरेका छन् ।
