काठमाडौं । नेपालका लागि उत्तरी छिमेकी चीनका राजदूत होउ यान्छीले नेकपाका वरिष्ठ नेता माधवकुमार नेपालसँग भेट गरेकी छन्।
कोटेश्वरस्थित नेपाल निवास पुगेर उनले एकत्रित र बलियो कम्युनिस्ट पार्टीका लागि ओलीसँग सम्झौता गर्न अनुरोध गरेकी छ्न्।
संसद विघटनपछि विभाजनतर्फ उन्मुख नेकपा जोगाउन दौडधुप बढाएकी राजदूत यान्छीको विरोध समेत भइरहेको छ। उनी अहिले प्रचण्ड र नेपाल समूहमा हस्तक्षेपकारी भूमिकामा देखिएकी छन्।
हिजोमात्रै उनले अध्यक्ष प्रचण्डलाई भेटेर नेकपा एकताको पक्षमा आफूहरु रहेको भन्दै विभाजित नहुन दबाब दिएकी थिइन्। आज कोटेश्वर पुगेर नेता नेपाललाई पनि ओलीसँगै मिल्न दबाब दिएकी हुन्।
यसअघि यान्छीले राष्ट्रपति विद्यादेवी भण्डारीलाई भेटिसकेकी छन्। प्रधानमन्त्री ओलीले भने भेट्न मानेका छैनन्। संसद विघटनपछि चिनियाँ राजदूत यान्छीको राजनीतिक सक्रियता एकाएक बढेको छ ।
जसलाई लिएर कुटनीतिक बृत्तमा विरोध भइरहेको छ ।