काठमाडौं । बागमती प्रदेशका मुख्यमन्त्री डोरमणि पौडेलविरुद्ध सांसदहरुले अविश्वासको प्रस्ताव दर्ता गरेसँगै प्रचण्ड–माधव समूहकी अष्टलक्ष्मी शाक्यलाई नयाँ मुख्यमन्त्रीका लागि प्रस्ताव गरिएको छ ।
पछिल्लो समय केन्द्रको राजनीतिमा उथलपुथल आएसँगै ४५ जना प्रदेशसभा सदस्यहरुले हस्ताक्षरसहित मुख्यमन्त्री पौडेलविरुद्ध अविश्वासको प्रस्ताव दर्ता गरेसँगै मुख्यमन्त्रीका लागि शाक्यलाई प्रस्ताव गरिएको हो ।
यसअघि संसदीय दलको नेताको लागि भएको चुनावमा डोरमणि पौडेल र अष्टलक्ष्मी शाक्यबीच कडा प्रतिस्पर्धा भएको थियो । त्यतिबेला शाक्यले चुनाव हारेपछि पौडेललाई मुख्यमन्त्री बन्ने बाटो खुलेको थियो ।
प्रचण्ड-माधव समूहका प्रदेशसभा सदस्यहरुले पौडेलविरुद्ध अविश्वासको प्रस्ताव दर्ता गरेर शाक्यलाई मुख्यमन्त्रीको लागि प्रस्ताव गरेका हुन् ।
मुख्यमन्त्री पौडेल प्रधानमन्त्री केपी शर्मा ओली निकट हुन् । बागमती प्रदेशमा नेकपाका ८० सांसद छन् ।
