संजय यादव, ८ पुस, बुधबार
गोलबजार, सिरहा
सिरहाको मिर्चैयालाई शिक्षा र कृषिको हवको रुपमा स्थापित गराउने मिर्चैया नगर प्रमुख श्रवण कुमार यादवले बताएका छन् । नगर प्रमुख यादवले भने, स्मार्ट सिटि बनाउनको लागि द्रुत गतिमा विकास अगाडी बढी सकेकोे बताए । नगर प्रमुख यादवले भने, मिर्चैयालाई सिरहामा मात्र हैन, प्रदेश २ कै नमूना स्मार्ट सिटि देखन चाहेको बताए । एक रेडियो अन्तरवार्तामा नगर प्रमुख यादवले यस्तो बताए । नगर प्रमुख यादवले भने, नगरबासीको भरपुर साथ र सहयोग तथा कार्यपालिकाको दीगो र भरपर्दो योजनाको कार्यान्वयनले मिर्चैया छिट्टै स्मार्ट सिटिमा परिणत हुने बताए । अन्तरवार्तामा नगर प्रमुख यादवले बोल्दै भने, मिर्चैया नगरलाई शिक्षा र कृषिलाई हवकै रुपमा विकास गर्न कुनै कसर बाँकी नराख्ने प्रतिबद्धता जाहेर गरे ।
आफु जहिले पनि जनताको सेवक र सिपाही भएर समृद्ध मिर्चैया नगर विकासमा जोडदार रुपले अगाडी बढीसकेको समेत बताए । प्रमुख यादवले थपे, समृद्ध मिर्चैया बनाउन जस्तोसुकै संघर्ष र चुनौतीको सामना गर्न तमतयार रही जनताको जीवनस्तर उकासन हरबखत जुटी रहने बताए । शिक्षा, स्वास्थ्य, कृषि लगायतको क्षेत्रमा नमूना विकास गरेको र बाँकी कामलाई समयमै समपन्न गर्ने पनि प्रतिबद्धता जाहेर गरे । प्रमुख यादवले बोले, नगर विकासको लागि कसैलाई काखा र पाखा नगरेको, जनप्रतिनिधी र कर्मचारी बीचको सुमधुर सम्बन्धले थप टेवा पुगेको बताए । कारोना महामारीको समयमा पनि जनतालाई बिचलित हुन नदिई उनीहरुको सुख र दुखमा समेत साथ रहेको प्रमुख यादवले भने ।
जाडो बढेसंगै गरीब, दलित, बिपन्न परिवारको लागि न्यानो कम्बल र चौक चौकमा दाउरा आगो बाल्ने् काम समेत शुरु गरिसकेको र अब जाडोले नै नगरमा कसैले पनि ज्यान गुमाउनु नपर्ने बताए । प्रमुख यादवले भने, विकास निमार्णमा कुनै बिशेष पार्टी फिल्म नगरी सबैले काँधमा काँध मिलाएर एकजुट भई अगाडी बढन सबैमा अनुरोध गर्दै सबैको साथ र सहयोग रहे नमूना नगरपालिका बनाएर देखाई दिने समेत बताए । अहिले मुलुकमा प्रधानमंत्री ओलीले असंबैधानिक कदम चालेर प्रतिनिधी सभा नै बिघटन गरी देशलाई दलदलमा फसाएर अनिर्णयको बन्दीबाट चाँडै निकास पाउने विश्वास दिलाए । प्रमुख यादवले अब असारे विकास होईन, चैत्र बैसाखमा नै काम सकाएर जेठमा नगर सभा गर्ने र चालु आबमा ९० प्रतिशत काम गर्ने समेत विश्वास दिलाए ।
