एस कुमार, गोलबजार, सिरहा
मंसिर २३, मंगलबार
सिरहाको गोलबजार नगरपालिका ८ स्थित रहेको श्री जनता नमूना माध्यमिक विद्यालय चन्द्रलालपुरको प्रधानाध्यापक ब्रम्हदेव प्रसाद सिंहले मोटो रकमको प्रलोभनमा अनियमित किसिमले शिक्षक सरुवा सहमतीको बाटो खोलेको रहस्य बाहिर आएको छ । प्रधानाध्यापक सिंहले लाखौ रुपैयाको प्रलोभनमा यही मंसिर १० गते बसेको शिक्षक तथा कर्मचारीको बैठकले आफुले भनेको मान्छेलाई नै सरुवा सहमतिको लागि नाम खाली राखेर ………डट…डट…डट..मा निर्णय गराएको छ । प्रअ सिंहको अध्यक्षता मै बसेको शिक्षक तथा कर्मचारीको बसेको बैठकको प्रस्ताव नं २ को निर्णयमा लेखिएको छ, यस विद्यालयमा रिक्त निम्न माध्यमिक तहको दरबन्दी अंगे्रजी बिषयको उक्त रिक्त अंग्रजी बिषयको दरबन्दीमा अंग्रेजी बिषयका शिक्षक ……………………….. लाई नियमानुसार ……………………………. सरुवा सहमति दिने सर्बसहमतिले निर्णय गरियो ।
प्रअ सिंहको यस्तो करतुत बाहिरिएपछि स्थानियहरु आक्रोसित भएका छन् । यस्ता प्रअलाई कानूनी कार्यबाहीको दायरामा ल्याई जनता समक्ष नाँगाझार गर्ने स्थानियहरुको कथन रहेको छ । प्रअ सिंहले मोटो रकमको प्रलोभनमापरी खाली पानामा निर्णय गराएर आफुले भनेकै मान्छेलाई सरुवा सहमति दिने बाटो खुल्ला गरेको काम निन्दनीय रहेकोले प्रअ सिंहलाई अबिलम्ब बरखास्त गराउनु पर्ने स्थानिय समाजसेवी संजिब कुमार यादवको कथन रहेको छ । यता गोलबजार नगर कार्यपालिकाका प्रमुख प्रशासकीय अधिकृत श्रीधर केसीले भने, यसरी निर्णय गर्नु सरासर गलत रहेकोले प्रअ सिंहलाई कानूनी कार्यबाहीको दायरामा ल्याउने बताए । प्रअ सिंहले पटक पटक गल्ती गर्दै गईरहेको प्रति स्थानियहरु आन्दोलित समेत भएका छन् । विद्यालयमा निमार्ण कार्यको लागि लक्षित समुदायलाई जानकारी नै नगराई अबैधानिक र अनियमि किसिमले शिक्षक सम्मलित रेखदेख तथा अनुगमन समिति बनाएर कामकाज गरेको बिरुद्ध स्थानियहरुले नगरपालिकाको कार्यालयमा उजुरी समेत परेको छ ।
