आर्थिक विवादमा मुछिएका सप्तरीका एसपी खतिवडाको सरुवा

काठमाडौं। आर्थिक विवादमा मुछिएका प्रहरी कार्यालय सप्तरीका प्रहरी उपरीक्षक (एसपी) ढकेन्द्र खतिवडालाई काज सरुवा गरिएको छ।

उनलाई बागमती प्रदेश प्रहरी कार्यालयमा सरुवा गर्दै उनको स्थानमा एसपी गौतम केसीलाई काज खटाइएको छ।

सप्तरीको प्रहरी प्रमुख हुँदा आर्थिक विषयमा आचरण विपरित कार्य गरेको गुनासो परेपछि उनलाई छानबिनका लागि त्यहाँबाट हटाइएको प्रदेश प्रहरी कार्यालयले जनाएको छ।

उनको विषयमा उजुरी परेपछि छानबिनका लागि नेपाल प्रहरी प्रदेश कार्यालय वीरगन्जका एसएसपी शान्तिराज कोइरालाको नेतृत्वमा तीन सदस्यीय समिति गठन भएको थियो।

सो समितिले दिएको प्रतिवेदनका आधारमा उनलाई सरुवा गरिएको प्रहरी प्रधान कार्यालय स्रोतले जनाएको छ।