संजय यादव, १५ कात्तिक
गोलबजार, सिरहा
प्रदेश २ का आठवटै जिल्लालाई केन्द्रीत गरि तराई मधेश राष्ट्रिय परिषद टिएमएनसीले “न्याय, स्वाधीनता और आत्मसम्मान, सशक्त मधेश निमार्ण के लिए हमारा अभियान” मूल नाराका साथ मधेश संवाद नामक प्रदेश स्तरीय यात्रा सिरहाबाट शुरुवात गरेको छ । सिरहाको गोलबजारमा टिएमएनसीले शनिवार एक औपचारिक कार्यक्रमका बीच प्रदेश २ स्तरीय पहिलो चरणको मध्य मधेश यात्रा प्रारम्भ गरेको छ ।
विगतमा भएको मधेशको समाजिक, राजनितिक अभियान सहित मधेश आन्दोनलहरुले अझै पनि अपेक्षित परिणाम हासिल गर्न नसकेकाले मधेशको रणनितीक राजनितीक सामाजिक रुपान्तरणको लागि ठोस योजना र उद्धेश्यका साथ तीब्र रुपले अगाडी बढनु पर्ने बिषयमा संवाद भएको टिएमएनसीका सचिवालय सदस्य काशिन्द्र यादवले बताए । संवाद कार्यक्रममा जिल्लाका युवा, विद्यार्थी, बुद्विजिवी, सचेत नागरिक, बिभिन्न पेशामा आबद्ध कर्मचारी लगायतको सहभागिता रहेको सचिवालय सदस्य यादवले बताए । कार्यक्रममा घनिभुत छलफल र संवाद हुदै तराई मधेश राष्ट्रिय परिषद टिएमएनसी के हो ? टिएमएनसीको दृष्टि र अवधारणा, मूल लक्ष्य, रणनीति, बिशिष्ट उद्धश्य, टिएमएनसीको सदस्य को को बन्न सकने, संस्थाको संरचना र आधारभूत मुल्य आदीको बिषयमा सचिवालय सदस्य यादवले सरल किसिमले स्पष्ट पार्नु भएको थियो । संवाद कार्यक्रममा पहडिया शासकहरुले तराई मधेशलाई कमजोर बनाउनकै लागि मधेशलाई ६ टुक्रामा बिभाजित गरी आफनो अभिलाशा पुरा गरिरहेको, मधेश ८ वटा जिल्ला हैन, २२ वटा जिल्ला रहेको लगायतमा संबाद भएको थियो ।
जारी नेपालको बर्तमान संबिधान कुनै पनि हालतमा मान्य नरहेको र बिभेदकारी संबिधानलाई संशोधन गरी सर्बस्वीकार्य बनाउनु पर्ने आवश्यकता रहेको जस्ता बिषयमा छलफल भयो । सहभागीहरुबाट आएको बिभिन्न जिज्ञासा तथा प्रश्नहरुलाई टिएमएनसीका संयोजक अधिवक्ता विकास कुमार ठाकुरले सहज तरिकाबाट प्रष्ट गर्नु भएको थियो । टिएमएनसीका सिरहा संयोजकमा युवा शत्रु यादवलाई सर्बसम्मती चयन गरेको सचिवालय सदस्य यादवले बताए । एवं प्रकार नै मधेशको सबै जिल्लाको वडा तह सम्म समिति निमार्ण हुने बताए ।
यसै गरी कात्तिक १७ गते सप्तरी, १९ गते सर्लाही, २१ गते रौतहट, २३ गते बारा र २५ गते पर्सा पुग्ने छ । त्यसपछि २७ गते महोतरी र २८ गते धनुषा पुगेर पहिलो चरणको यात्रा समपन्न हुने सचिवालय सदस्य यादवले बताए ।
‘मध्य मधेशको सम्पुर्ण आठवटा जिल्लालाई पहिलो चरणमा यो संवाद यात्रा गर्न लागेका छौं’, ‘त्यसपछि मधेशका २२ वटै जिल्लामै यो संवाद यात्रा पुग्ने बताए ।
