बारामा झडप

104

बारा : तस्कर र प्रहरीबीच भएको झडपमा परी बारामा तीन प्रहरी र एक बालक सहित ४ जना घाइते भएको छ ।
सुवर्णपुर गाउँपालिकाको कवहीगोठमा भारतबाट राजश्व छलेर ल्याएका प्याज प्रहरीले नियन्त्रणमा लिई कारवाहीका लागि जिल्ला प्रहरी कार्यालयमा पठाउन लाग्दा तस्कर र प्रहरीबीच झडप भएको थियो ।
झडपको क्रममा प्रहरीको गोली लागेर स्थानीय १४ वर्षीय रन्जन यादव गम्भीर घाइते भएका छन् भने तस्करहरुले को आक्रमणबाट सई विरेन्द्र गिरी सहित ३ प्रहरी घाइते भएको जनाइएको छ ।
घाइते मध्ये बालक रन्जनको उपचार वीरगञ्जस्थित बयोधा अस्पतालमा उपचार भइरहेको छ भने प्रहरीतर्फ घाइते भएकाहरुको उपचार कलैया स्थित अस्पतालमा भइरहेको जिल्ला प्रहरी कार्यालय बाराले जनाएको छ ।
जिल्ला प्रहरी प्रमुख एसपी कृष्ण पंगेनीले तस्करहरुको आक्रमणबाट बच्न प्रहरीले आत्मसुरक्षाका लागि अन्तिम अवस्थामा हवाई फायर गर्दा एक बालक घाइते भएको जनाएको छ ।
एसपी पंगेनीले भने सो प्रहरी चौकीमा हाम्रो टोली सानो थियो र तस्करहरुको टोली बढी संख्यामा भएको कारण प्रहरीमाथि ढुंगामुढा र लट्ठी समेत प्रहार गर्दै प्याज लुटेर लग्नुका साथै गाडीमा समेत तिनीहरुले तोडफोड गरेपछि आत्मसुरक्षाका लागि बाध्य भई प्रहरीले हवाई फायर गर्नु परेको हो ।