काठमाडौं । बंगलादेशको राजधानी ढाकाको उच्च अदालतले इस्कनका गतिविधिमाथि प्रतिबन्ध लगाउने निवेदन खारेज गरेको छ । यसपछि इस्कनले एक विज्ञप्ति जारी गर्दै उच्च अदालतको यो निर्णयको स्वागत गरेको छ ।
बंगलादेशको सर्वोच्च अदालतका वकिल मोहम्मद मोनिर उद्दिनले इस्कनमाथि प्रतिबन्ध लगाउन माग गर्दै यो याचिका दायर गरेका हुन् ।
त्यसको एक दिनअघि बंगलादेशका महान्यायाधिवक्ताले सरकारले आवश्यक कारबाही थालेकाले इस्कनको विषयमा कुनै निर्णय नगर्न अदालतलाई अनुरोध गरेका थिए ।
इस्कनका प्रवक्ता राधारमण दासले समाचार एजेन्सी पीटीआईलाई भने, “बंगलादेश उच्च अदालतले यो याचिका खारेज गर्नु हाम्रो लागि ठूलो राहतको कुरा हो।”
उनले भने, “यस मामिलामा बंगलादेश सरकारको मनोवृत्तिप्रति संगठन निकै चिन्तित छ।” दासले बंगलादेश सरकारले अल्पसंख्यकहरूको सुरक्षा सुनिश्चित गर्न उपयुक्त कदम चाल्ने आशा व्यक्त गरे ।
